أول ظهور لزوجة عمرو شاب كفر الدوار صاحب اللايف: زوجي كان محترم ميبصش للستات انا عاوزه حقه

 في أول ظهور لها، كشفت أرملة الشاب عمرو، الذي انتحر، بتناوله حبتين غلة سامة، أودت بحياته، خلال بث مباشر على فيس بوك، تفاصيل الخلافات التي بينه وبين أخواله، والتي دفعته للانتحار.

وقالت أرملة الشاب عمرو، ابن كفر الدوار، خلال بث مباشر أجراه موقع تحيا مصر معها، أنه «كانت هناك خلافات مع أخواله بسبب الميراث وهما اللي وصلوه لتلك المرحلة اللي وصلها، وأكتر من مرة يتهجموا عليه في الشارع، وضربوه في، وفتحوا دماغه مرتين».

خناقة على الميراث

وأشارت في تصريحاتها لموقع تحيا مصر: «عمرو زوجي كان شغال مع أخواله لمدة 25 سنة، وكلوا عليه حقه في ميراث أمه، وعشان كده اتهموه بتصوير زوجاتهم.. اتهموه بحاجات هو معملاش، وأنه بيعاكس زوجات وأولاد أخواله، وده محصلش».

وأضافت: «عمرو زهق من الاتهامات، عشان كان كل اللي يقابله يقوله انت ازاي تصور زوجات أخوالك، وتتهجم على بناتهم.. وده طبعا محصلش».

اتهامات أخلاقية

وأكدت أرملة الشاب صاحب الـ 32 عامًا: «أنا مصدقش أنه يعمل حاجه زي كده، ولو شوفت بعيني، كان بيعتبر نسوان أخواله دول زي أمه، وأخواله كلهم هما اللي وصلوه للانتحار، وكانوا كل ما يشوفوه في أي مكان يضربوه».

تفاصيل البث المباشر

وحول تفاصيل وفاته، قالت والحزن يملأ قلبها: «هو مقلناش أي حاجه، لو قال مكناش سبناه.. كان قاعد لوحده بليل دخلت أنيم الأولاد لقيت ابن عمه قاعد معاه.. بقوله في ايه.. قالي مفيش حاجه ده فيديو كده منزله على النت.. ومتقلقيش العيال.. دخلت جوه لقيته أخد حبيتين غلة طلعت لقيتهم مشيوا بيه على المستشفى، بس مات».

«ادفنوني وكتاب الله في حضني»..وصية مؤثرة لشاب تخلص من حياته خلال بث مباشر

خلال بث مباشر..شاب يتخلص من حياته بـ حبة الغلال السامة في البحيرة

وأردفت: «آخر حاجه كان بيقولي إنه تعب من كتر المشاكل وزهق من اللي بيحصل، كنت بقوله فكر في ولادك وبس.. عمرو عنده بسلمة ومحمد ميستهلوش إن أبوهم يموت الموتة دي».

واختتمت تصريحاتها قائلة: «أنا عايزة حقه وعايزة اللي أذاه يتأذي زي ما أذاه».

تفاصيل الواقعة

تعود أحداث الواقعة إلى خلالافت أسرية بين هذا الشاب الذي أنهى حياته في فيديو مؤثر على مواقع التواصل الاجتماعي، وبين خاله، الذي اتهمه بتصوير زوجته، إلا أن الشباب نفى ذلك تمامًا، وتخلص من حياته نظير تلك الاتهامات.

وقال الشاب المدعو"عمرو زايد  شتا" مقيم بمركز كفر الدوار بمحافظة البحيرة، إن خاله اتهمه بتصوير السيدات وزوجته وهذا ما دفعه للتخلص من حياته وذلك خلال بث مباشر قدمه على صفحته الشخصية على موقع التواصل الإجتماعي "فيسبوك".

ويضيف الشاب " إزيك يا حبشي يابركات أنا برئ من التهمة اللي اتهمتوني بيها وانا برئ ياشباب من التهمة اللي اتهمني بيها خالي هو وإخواته وانا مصورتش حريم حد انا قاعد في حضنهم 28 سنة".