تصريحات جريئة دفعت فريدة سيف النصر لتصدر التريند: «كان نفسي أتباس وكنت جامدة ببدلة الرقص»

تصدرت الفنانة القديرة فريدة سيف النصر، تريند مؤشرات البحث جوجل، بعدما خرجت لتهاجم رواد السوشيال ميديا ومنتقدي الفنانين وأعمالهم من خلال منشور كتبته عبر حسابها الرسمي بموقع التواصل الاجتماعي فيسبوك.

تحيا مصر يرصد في ذلك التقرير تصريحات جريئة دفعت فريدة سيف النصر لركوب التريند

فريدة سيف النصر تتصدر التريند

ولم تكن تلك أولى التصريحات التي دفعت فريدة سيف النصر لتصدر التريند، فدائما ما تخرج خلال البرامج التليفزيونية المختلفة وتصرح بتصريحات جريئة تدفع الجمهور والمواقع الإخبارية للحديث عنها لأيام متتالية، ونرصد لكم في تلك السطور أبرزها.

تصريحات فريدة سيف النصر الجريئة

• كان نفسي أتباس في أعمالي الفنية بس لظروف ما مكنش ينفع.
• اما لبست بدلة رقص الدنيا اتقلبت مكنتش اعرف اني جامدة كدا.
• البوسة احتمال تبقى في سياق الدراما زي فيلم المغتصبون مثلًا.
• كل مابنخش على جيل بيبقى اسوأ من اللي قبله.
• السوشيال ميديا جننت الناس وكل شوية فنانة تنزل صورتها ضيق ومفتح ومفشخ.
• مبرضاش ألعب في وشي أنا ضد أي حاجة فيك.
• الجيل الجديد مساكين جدًا ملهومش قدوة، وبتلاقي الجمهور العادي كفتة.
• عمري ما دورت على شغل وبيجيلي لحد عندي، وعمري ما كنت منافس لحد من صحابي.

هجوم فريدة سيف النصر على رواد السوشيال ميديا

وكانت قد عادت فريد سيف النصر للساحة الفنية بسبب منشور كتبته عبر موقع التواصل الاجتماعي فيسبوك، قالت فيه: «أنا زعلانه علينا كلنا اوي..المصريين احلي واطيب واجدع من كده بكتير..خفة دم وكرم وذوق..ايه اللي حصل..ليه بنستخبي ورا شاشات وننزل نحر رقاب بعض .الكلمه القاسيه بتذبح.بقينا نكديين مانعرفش نفرق بين جد وهزار كله عايز يتخانق مع كله..ايه ده؟ وكل يوم يعاملوك بوش أو حسب المصلحة، في ايه؟ بعض الناس ماسكين الفنانين وكأن في تار بلا أسباب دي عجزت ودي كرمشت ودي غيرت دينها وده دمه تقيل وده كبر في السن لكن بيغني وده بيرقص كونغرو وده اتكسح ودي روحي موتي كفايه..مالكم في ايه بجد..هما الناس دي مااسعدكمش أعمالهم فترات من الزمن.. طيب بلاش انت مابتحبيش فلان غيرك بيحبه.. في ايه ياجماعه؟».

واختتمت فريدة سيف النصر حديثها، قائلة: «كفايه هد في الفن والوحش انقدوه بأدب والكويس شجعوه.. إنما تهزأوا فنانين كبار ليه يعني، على فكره أنا عارفة إنها لجان مستهدفة الفن المصري، والفن عمومًا ما هو العربي بيصب هنا.. هاه قرروا إيه.. هنشتم من ورا الشاشة، ولا هنقول كلام نصح حلو يا باشا».