صابرين عن فيلم الملحد: في أرء هيبقى الجدل عليها قوي جدا.. وهدفه اصلاح الخطاب الديني

تحدثت الفنانة صابرين خلال حلولها ضيفة على برنامج Et بالعربي، عن فيلمها الجديد “الملحد” الذي تولى تأليفه المؤلف إبراهيم عيسى المعروف بقضاياه المثيرة للجدل.

تحيا مصر يرصد في ذلك التقرير تصريحات صابرين عن فيلم الملحد

صابرين تتحدث عن فيلمها الملحد

قالت الفنانة صابرين عبر البرنامج متحدثة عن أبطال فيلم الملحد: “الشخصيات أستاذ ابراهيم عيسى فردها بشكل مريب، كلنا أبطال، الفيلم ده هيعمل لأحمد حاتم حاجة كبير أوي، محمود حميدة وشيرين رضا عاملين أدوار كويسة جدا”.

صابرين عن فيلم الملحد: “هيبقى في أراء مثيرة للجدل كتير”

وتابعت صابرين حديثها عن شخصيتها في فيلم الملحد، وحقيقة تجسيدها شخصية ملحدة: “هبقى حاجة زي كدة، والفيلم في أراء هيبقى الجدل عليها قووي جدا”.

واستكملت حديثها كاشفة عن حقيقة تخوفها من الإنتقادات التي من الممكن أن تلاحقها الشخصية أو الفيلم: "مش خايفة لأن مؤمنة بالفكرة اللي هقدمها، هنصلح الخطاب الديني وتوعية الخطاب الديني".

شيرين رضا عن الملحد: هدفه يفتح مخنا على حاجات تانية

وسبق وأن تحدث شيرين رضا في تصريحات تليفزيونة عن فيلم الملحد، فقالت: “الهدف من الفيلم هو أننا نفتح مخنا ونشوف حاجات تانية، نشوف أفكار تانية، لو في واحد ملحد إزاي بيبقى ملحد وبيجي منين الإلحاد ده، وإزاي نقدر نتصرف فيه، وإزاي نقدر نمنعه، وإزاي أهله بيستقبلوا صدمة إن ابنهم يقولهم أنا ملحد، هو مش عادي كده حد يجي يقول أنا ملحد، قبل ما يقول الكلمة دي بيمر بإيه؟ حصله إيه في حياته؟ شاف إيه عشان يوصل إنه يقول أنا ملحد، الفيلم لا يسوق للإلحاد أكيد، إحنا بنتكلم عن الإلحاد بيجي منين والفكرة نفسها”.

فيلم الملحد لـ ابراهيم عيسى

جدير بالذكر، أنه تدور أحداث فيلم الملحد حول التطرف الدينى وإلالحاد والخروج عن الدين  الذى يصيب الشباب، ويسلط الفيلم الضوء، أيضا على على تلك القضية الجدلية بشكل عقلاني  كبير ويقوم العمل بتوضيحها للمجتمع، ويخوض بطلوته كلا من النجوم شيرين رضا، والفنان محمود حميدة ، أحمد حاتم، تارا عماد، حسين فهمي، والعمل من تأليف إبراهيم عيسى وإخراج ماندو العدل.