كفاية هد في الفن والنقد يبقى بأدب.. فريدة سيف النصر توجه رسالة لـ رواد السوشيال ميديا

وجهت الفنانة فريدة سيف النصر رسالة شديدة اللهجة لرواد السوشيال ميديا، واستنكرت كم الهجوم الذي ستعرض له نجوم الفن من قبلهم، وزعمت أنها لجان مستعدفة للقضاء على الفن المصري 

تحيا مصر يرصد لكم منشور فريدة سيف النصر التي تهاجم فيه رواد السوشيال ميديا وذلك خلال السطور القادمة

فريدة سيف النصر عبر فيسبوك

وكتبت فريدة سيف النصر عبر حسابها الرسمي بموقع التواصل الإجتماعي فيسبوك: أنا زعلانه علينا كلنا اوي..المصريين احلي واطيب واجدع من كده بكتير..خفة دم وكرم وذوق..ايه اللي حصل..ليه بنستخبي ورا شاشات وننزل نحر رقاب بعض .الكلمه القاسيه بتذبح.بقينا نكديين مانعرفش نفرق بين جد وهزار كله عايز يتخانق مع كله..ايه ده؟ وكل يوم يعاملوك بوش أو حسب المصلحه.

وتابعت فريدة سيف النصر: في ايه؟ بعض الناس ماسكين الفنانين وكأن في تار بلا أسباب دي عجزت ودي كرمشت ودي غيرت دينها وده دمه تقيل وده كبر في السن لكن بيغني وده بيرقص كونغرو وده اتكسح ودي روحي موتي كفايه..مالكم في ايه بجد..هما الناس دي مااسعدكمش أعمالهم فترات من الزمن.. طيب بلاش انت مابتحبيش فلان غيرك بيحبه.. في ايه ياجماعه؟ 

فريدة سيف النصر: الفنانين فاتحين بيوت 14 مليون

وأردفت سيف النصر: تحسوا مخطط لهدم الفنانين القوي الناعمه اللي فاتحين بيوت 14 مليون متخيلين؟ كل المهن شغاله معانا تحت أيديهم كام عامل واسطي كل واحد فيهم عنده أهل وزوجه وأطفال وفي اللي جوز ولاده وعندهم بيوت مفتوحة.. بتحاربوا تمن عدد البلد في أكل عيشهم.. اقرأوا كده المسلسل بيكتب ناس قد ايه عماله في العمل شوفوا وقولولي.

فريدة سيف النصر: كفاية هد في الفن والوحش أنقدوه بأدب

واختتمت كلامها: كفايه هد في الفن والوحش انقدوه بأدب والكويس شجعوه.. إنما تهزأوا فنانين كبار ليه يعني، على فكره أنا عارفة إنها لجان مستهدفة الفن المصري، والفن عمومًا ما هو العربي بيصب هنا.. هاه قرروا إيه.. هنشتم من ورا الشاشة، ولا هنقول كلام نصح حلو يا باشا.