هربان من 10 سنين سجن..الحج فرغلي:ابني استولي على أملاكي وطردني في الشارع

«قلبه أتعمى بعد ما قتل مواطن وأخد حكم بالسجن لمدة 10 سنوات وهروبه وهدد والده بالقتل وطرده من منزله» ..قصة صادمة بالتحديد من مركز ملوي بمحافظة المنيا بطلها الابن العاق خالد فرغلي، تحيا مصر إلتقى مع ضحيته والده الحاج فرغلي محمد عبدالحكيم ليروي لنا تفاصيل تهديدات نجله له وأسرته وسرقة ممتلكاته.

الطمع عماه..شقيق ضحايا الميراث:عمي قتل إخواتي وعايز يكمل على الأسرة كلها

الأخوات أكلوا بعض علشان كابينة..أسرة «فرج»:أخو جوزي وأمه خلصوا على أبو العيال|فيديو

ذكر الحاج فرغلي أن نجله الكبير "خالد" الهارب من حكم 10 سنوات سجن أخذ منه قطعة أرض بالقوة داخل الحيز العمراني مساحتها ثلاثة أفدنة بقيمة21 مليون جنيه بعد ذلك قام بإستئجار أشخاص مسجلين من الرجال والنساء وقاموا بتهديده قائلين " لو نزلت هنا هنموتك"، وعندما ذهب للشرطة لكي يحرر محضر ضد نجله بسبب سيطرته على البرج العقاري ملكه, أخبروه بالذهاب إلى جهة المصالحات لكي يقدم طلب تصالح على العقار الذي يمتلكه وعندما ذهب إلى جهة المصالحات طلبوا منه أن يمضي  شيك على بياض لكنه رفض ذلك.

أملاك سيطر عليه نجل الحاج فرغلي 

وتابع الحاج فرغلي أن نجله يسيطر على إيراد البرج العقاري التى تصل إلى 40 ألف جنيه شهرياً وأخذ منه مزرعته التى تجني أرباح 5 ألاف جنيه فى اليوم الواحد وكان لديه عربية كبيرة ورأس مال داخل السوق حوالي 500 ألف جنيه و300 ألف جنيه كانت بحوزته، ثم بعد  ذلك قام نجله بطرده من منزله بعد استئجار أشخاص خارجه عن القانون لتهديده وترويعه وهم على قوله "باتعة محمد السيد"و"نريمان سيد محمد" وأبنائهم. 

تهديدات على الملأ

وقال الحاج فرغلي أن نجله طلب مقابلته وقام بتهديده قائلا " ابني قالي أن هو عاوز يقابلني وهددني لو قابلته هيضربني بالنار علشان أنا عندي  ثلاثة أبناء اثنين من الذكور وبنت واحده من زوجة تانية غيرأمه مش عاوز يديهم حقهم وبيقلي أنا الكبير وأنت شرابة خرج وملكش لازمة وعاوز يخطف عيالي الصغيرن وبيقلي اعتبر نفسك ميت والستات اللى بيأجرها علشان يهددوني بيخليهم يعملولي محاضر إنى إعتديت عليهم وفيهم واحده عملت  فيه محضر إني خطفت ابنها وده محصلش".

حياة الحاج فرغلي

وأضاف الحاج فرغلي أنه تزوج مرة ثانية على زوجته الأولى من 2005 ولديه منها ثلاثة أبناء أثنين من الذكور وبنت واحده بالإضافة لابنه الكبير و4 إناث من الزوجة الأولى ونجله الكبير هارب من حكم قضائي عليه بـ 10 سنوات سجن واجب التنفيذ بسبب قتله لشخص منذ عام 2016,  وعمره 38عام متزوج و لديه 5 أولاد ذكور وبنت واحدة. 

طلبات الحاج فرغلي 

طالب الحاج فرغلي بحقه من نجله الذي سيطر على أملاكة قائلا " عاوز حاجتي والمزرعة والعمارة اللى بتلم 40 ألف جنيه والبيت علشان أنا مش عارف اجيب ملابس موجوده فى البيت وغياراتي فيه وأنا حالياً قاعد فى القاهرة خايف أروح والأربع بنات اللى متجوزين عاوزين مصاريف وفلوس كنت عاملهم شهرية وهما دلوقتي يتقلبون يميناً جوعاً وشمالاً عرياً من قلة الفلوس وولادي الصغيرين زيهم وأنا مش معاية فلوس وكل ما أروح للشرطة يقلولي روح للمصالحات عاوزين يمضوني على وصل أمانة وأنا مش همضي". 

زوجة الحاج فرغلي

قالت الزوجة الثانية للحاج فرغلي: "أحنا موجودين حاليا فى القاهرة بعد ما ابنه الكبير طردنا من البيت محبوسين ومنعرفش حد والحاج جاتله 3جلطات من الحابسة وابنه الكبير هربان من السجن كان عليه حكم بــ 10 سنين واخد كل حاجة وبيهددنا بالموت وهدد السكان اللى في العمارة وبيأجر من الباطن للسكان وأخد المزرعة والحاجة كلها والبيت والعمارة والعربيات".

مشروع

وذكرت زوجة الحاج فرغلي: "الحاج عمل مشروع لما ابنه الكبير خد 10 سنين سجن علشان خاطرعياله ابنه ميتبهدلوش لكن هما اتفقوا علينا وخدوا كل حاجة وكان بيهدد الحاج وبيقوله هضربك لو لقيتك قاعد على القهوه وهددني أنا كمان منزلش الشارع ولا أروح السوق وقال للحاج عيالك ميرحوش المدرسة وهددني بإنه هياخد عيل من عيالي كان عاوز يخطف ابني "محمد" واحنا خايفين نروح المنيا تاني علشان بيهددنا".