زوجة في قضية خلع:جوزي ولا بيهش ولا بينش وأنا اللى بعمل كل حاجة

«أنا مش عايشة لوحدي في الحياة ومحتاجة يكون في حياتي تفاعل ومشاكل وخناق، لكن عكس كده الحياة مملة على شكل واحد ودمها تقيل».. بتلك الكلمات تحدث زوجة عشرينية لـ تحيا مصر أثناء تواجدها في محكمة الأسرة لتروي لنا ما يحدث مع زوجها وجعلها تتجه للمحكمة.

عبر مواقع التواصل.. سقوط سيدة تنصب على راغبي العمل بالخارج

خلافات مع والده.. سيدتان يتخلصا من نجل عمهم بالأقصر

تفاصيل الواقعة

فتقول الزوجة البالغة من العمر 25 سنة:"أنا أتجوزت منذ سنة وجوزي ظيفته مهندس ونسكن بحي المعادي وهو شخص هادي لا يقوم بفعل شىء إطلاقا ولا يدخل في نقاشات أو محادثات، وأتجوزنا جواز عادي صالونات وفترة الخطوبة استمرت شهر فقط واتجوزنا علطول".

شهر العسل

وتضيف الزوجة: "بعد جوازنا قضينا شهر العسل واكتشفت بمعاشرة زوجي إنه شخص إنطواني ولا يتدخل في أي محادثات والأسوء من ذلك أنه لا يستطيع إلقاء بعض فكاهة للضحك وأغلبية وقته يجلس صامت ولا يتكلم مع الأخرين وكأنه جماد مركون".

الزوج كريم وينفق ببذخ

وتستكمل الزوجة: "الحقيقة جوزي شخص كريم وبيصرف كتير ويشتري لي كل ما احتاجه وإذا طلبت منه مساعدة في المنزل يساعدني ولا يتكبر على فعل ذلك، ولكنه لا يفتح معايا أي موضوعات ويظل طوال اليوم ساكت ولا يستطيع المناقشة في أي موضوعات وإذ فتحت معه موضوع لا يجادلني بل يوافقني وإذا طلبت منه أن أعرف معلومات عن موضوع، يخبرني أنه لا يريد أن يفتي فيه والأفضل لي هو البحث عنه من خلال الأنترنت".

أخر الصدمات 

وتستكمل الزوجة: "في مرة حدث موقف جعلني أخرج عن صمتي، هو أني كنت استشيره في الأكل هناكل ملوخية ولا نجيب أكلة تانية، لاقيته بيقولي أي حاجه الاختيار ليكي، ووقتها ذكر نكتة رخمة، وأنا خرجت من صدمتي وقولتاه أنت مش عاوز تتكلم ولا تتناقش معايا وكل يوم أنا اللى بختار الأكل وأنت ولا همك حاجة".

قضية خلع 

وتختتم: "ده كمان دمه تقيل جدا ومش بيتفاعل معايا طول اليوم وبارد في المشاعر والعواطف بخيل جدا وغير قادر على الكلام مع الآخرين وتكوين صداقات ولكن ما دفعني للإنفصال عنه إني حاسة أنى عايشة لوحدي مفيش حد بيتخانق ولا بيزعق ولا حتى بيشتكي مني ودي حياة مملة محدش يقدر يكمل فيها وعلشان كده هرفع عليه قضية خلع للخلاص منه بعد سنة جواز".