طرطشة ماء قتلت حازم بدمياط..والدته: نور عنيا وحبيب قلبي أدبح غدر| فيديو

«دبح حازم حبيب قلب أمه ونور عنيا، وأبوه سايبهملي صغيرين وهو بيصرف على أخواته، وقتل ابني غدر».. بتلك الكلمات بدأت والدة الشاب حازم الذي قتله أخر بمحافظة دمياط بسبب رش الماء عليه داخل مقهى.

أم دنيا: بعد موت جوزي أخوه طردني وبناتي الأربعة وسرق كل اللى حيلتي|فيديو

إحالة أوراق شاب قتل ضابط بمعسكر الأمن المركزي بالجيزة للمفتي

تفاصيل الجريمة

وقالت والدة المجني عليه حاز:" ابني كان بيرش مايه ففي القهوة اللى شغال فيها والمتهم قاعد حط رجل على رجل بها، وشوية مايه اترشوا عليه، فقاله حاسب يا جاموسة، فرد عليها ابني وقاله انا مش جاموسة وقام بطرده من القهوة، ووابني عنده 19 سنة وبيصرف على البيت وواخوه في رابعة حقوق وأخته ندى في أولى إعدادي".

غدر بابني وقتله

وأضافت والدة المجني عليه:" المتهم حضر مرة أخرى وابني مش مديه خوانة، ودخل يشرب وابني بيضحك في وشه ومن ناحيته مفيش أي حاجة، وسابه في القهوة لوحده وخرج حازم لبره وبلتفت له فقام المتهم بذبحه، وهرب، دبح حازم نور عنيا وحبيب قلب أمه وأبوه سايبهملي عيال صغيرة وكان بيشتغل وبيروح المدرسة وبيمتحن بس وبقدمله منازل، وبيصرف على اخواته، ومحمود اخوه في جامعة المنصورة في رابعة حقوق، وحازم كان فاكر الموضوع خلص وضحك في وشه وبعدين رد على ضحكته بدبحه".

وكشفت والدة المجني عليه:" اتصلت عليه يوم الخناقة وسألته أنت اتغديت قالي هتغدي عند دينا خطيبتي، ومكلمنيش عن أى مشكلة حدثت اليوم ده مع المتهم، وأنا عايزة ابني وحقه اللى ملحقش يفرح بحياته، واللى كان كل همه اخواته".

كان خاطب وهيتجوز بعد سنة

وأوضحت:" المتهم كان معاه واحد تاني كان بيقول لواحد حاول ينقفذ قاله سيبه يقتله، وحازم أبوه مات وهو عنده 10 سنين، وكان بيصرف على اخواته وكان عايز أخوه يدرس ويتعلم ويبقى ضابط علشان يعرف ياخد حقوقنا، واحنا مش هناخد عزا فيه غير لما المتهم يتحكم عليه بالإعدام، وابني حازم قلبه صغير وبعمله في شقته، ابني ضنايا عمره في حياته عمره ما حد اشتكى منه، نور عيني".

خطيبة المجني عليه

فيما قالت خطيبة المجني عليه:" احنا مخطوبين من 8 شهور وكان بيجهز في الشقة وعمل الجبس وكان هيجيب البلاط ويركبه في الشقة وكنا هنتجوز بعد سنة، وأنا عايزه حق حازم من اللى دبح خطيبي يندبح زي ما عمل، وعايزه حق حازم يجي علشان يرتاح، ليه كده تعمل كده علشان شوية مايه يجي عليه".

وأضافت:" قلبي والع من جوا واول فرحتي راحت وعمري كله راح وحبيبي كان حاسس، وقالى مش هتشوفيني تاني ولا تسمع صوتي تاني، وعمري راح مني، وعمره ما زعلني وكان بيخاف عليا وبحبك يا حازم، قلبي محروق عليك يا عمري".

القصاص وإعدام المتهم

واختتمت:" حسبي الله ونعم الوكيل فيه أخد أغلى حاجة عندي وحرق قلبي وخد حازم مني والله يا حازم ما ساكته غير لما أخد حقك، وهاخد روحه زي ما خد روحك، وكل واحد في عيلته يتحرق قلبه زي ما أتحرق قلبي عليك يا حبيبي".