أبو الليف: في مصايب بتحصل من تحت الترابيزة في النقابة وهاني شاكر كان سايبها للمجلس.. عايزين راجل نضيف هو اللي يقود النقابة| حوار

أثار الفنان نادر أبو الليف جدلًا واسعًا وأحدث ضجة عارمة، خلال الساعات الماضية بعدما هاجم نقابة المهن الموسيقية على هامش أزمته الصحية التي دخل على أثرها العناية المركزة، لذا حرص تحيا مصر على محاورته للكشف عن كواليس الأزمة وتعليق على ما يحدث في النقابة خلال الفترة الأخيرة.. وإلى نص الحوار:

ماذا حدث معك خلال محاولتك في السيطرة على أزمتك الصحية؟ وما هي تفاصيل الوعكة

شعرت بالألم أثناء تواجدي في الإسكندرية، فاتجهت لمستشفى القوات المسلحة في مصطفى كامل، فوجدتهم يريدوا حجزي في عناية مركزة بحجة أني مصاب باشتباه كورونا وذلك ليتحصلوا على مال من النقابة «على قفايا بحسب قوله»، واستكمل: «مش عايزين يمدوا ايديهم فيا ويسعفوني الإ إذا جالي جواب التحويل من النقابة ولو مكنش جالي كنت زماني ميت أو ادفع الكشف فالمدام معايا راحت دافعة وهي بتدفع الجواب جالي.. أنا عندي التهاب في الرئتين»

وماذا عن تكاليف العلاج؟

أخدت إسعاف واتجهت إلى مستشفى خاص لكي تنجدني ومن ثم أقمت 15 يوم في العناية الأمر الذي كلفني 88 ألف جنية لذا استعارتهم من أصدقائي.

هل طلبت مساعدة من نقابة المهن الموسيقية؟

نعم، تواصلت مع أستاذ أحمد رمضان سكرتير النقابة فطلب مني الفاتورة وتقرير المرض وبالفعل قدمتهم له، وأضاف:«أحمد رمضان قدمها لمحمد أبو اليزيد.. يا جماعة ايه الحكاية ايه الرواية قالي ما أنت شايف المؤتمر والشد اللي حصل وسقف النقابة 15 ألف جنية، طيب استنى أما يتعمل اجتماع مجلس نزودهملك 30
هو أنا بشحت يجدعان أنا ليا تأمين صحي تبع النقابة».

فنان كبير مثل أبو الليف.. لم يتحصل من الفن على ما يوفر له مصاريف علاجه؟

أنا اشتغلت 2009 و 2010 والثورة قامت، محدش رجع غير بتوع المهرجانات.. مفيش فن النهاردة كله مهرجانات عشان النقابة هي اللي بتشغلهم.

كيف تنظر لنقابة المهن الموسيقية في وضعها الحالي؟

أنا بلوم على النقابة والمفروض كانوا يقفوا وقفة بجدية، مش وقفة عيني فيه وأقول اخيه لا مش هنهرج.

وما تعليقك على استقالة هاني شاكر ورأيك فيه كنقيب سابق؟

هاني شاكر معملش حاجة، مش إداري وملوش دعوة بالادارة ومكنش بيروح النقابة، كان سايب النقابة للمجلس هو اللي يديرها.. احنا عايزين وجهة مشرفة وراجل نضيف عنده خلق محترم ووجهة يقود النقابة.

هل يعتقد أبو الليف أنه خُذل من قبل النقابة؟

النقابة خذلت كل أعضائها مش أنا بس، وللاسف زمايلنا اللي دايرين النقابة ومتربين مع بعض هم اللي خذولنا.. اتفاجئنا أن في مصايب بتحصل من تحت التربيزة وكلها لمصلحتهم في كدا! نفسي أي جهة رقابية تدخل نقابة المهن الموسيقية وتتحرى عن كل واحد في النقابة وتكشف الورق، النقابة فيها مصايب مش تلاعب 
كفاية بقى حرام.