زوجة في قضية خلع:جوزي عايز يدبح بنتي وعنده محل ألماظ ومبيصرفش

«أعمل أيه وجوزي رفع السكينة على بنتي وفتح مواسير الغاز الطبيعي علشان يخلص علينا» .. تلك كلمات هبة وهى تشكو مأساتها لـ تحيا مصر، خلال تواجدها في محكمة الأسرة.

زوجة في دعوى خلع: جوزي عايزني خدامة لـ أمه 

سماح رفعت قضية خلع ضد جوزها.. فمات وخدت ميراثه

تفاصيل القصة

وتقول هبة البالغة من العمر36 سنة:" أنا أتجوزت من 16 سنة وعندي بنت صغيرة عمرها 3 سنوات  وأنا وجوزي كانت حياتنا سعيدة قبل أن أنجب بنتي الصغيرة مليكة، وذلك لإنه كان رافض موضوع الإنجاب ده، وأنا كان نفسي يكون عندي أولاد أربيهم وأرعاهم وأشوفهم بيكبروا قدام عنيا كده".

هيطردني من البيت

وتضيف هبة:" أنا أنجبت بنت مريضة بعد 10 سنين، وجوزي رفض أن ينفق عليها وهددني بإنه هيطردني من البيت إذا طلبت منه أن ينفق على بنته، وأنا في فترة حملي، جوزي حاول أكثر من مرة أن يقوم بإجهاضي، وأثناء تلك الفترة اشتغلت في الشارع وهو لم يصرف عليا حتى في الولادة وأمه طلبت منها أكثر من مرة أن يقوم ابنها بالإنفاق علينا لكنه يرفض".

سيسلم إيصالات الامانة إلى النيابة

وتستكمل الزوجة هبة: "بنتي للأسف اتولدت مريضة ومحتاجه كمية علاج كبيرة وجوزي رفض يصرف أي قرش عليها وأنا نزلت اشتغل بابنتي علشان أقدر أصرف على علاجها وأخذت فلوس الشغل صرفتها على علاج بنتي، وطلبت من منه رد تلك المبالغ من المال، لإني مضيت إيصال أمانة واتصل بيا الشخص الذي استلفت منها الفلوس وأخبرني بإنه سيسلم إيصالات الأمانة إلى النبابة وجوزي رفض مساعدتي بتسديد تلك الإيصالات، وجدت شخص غريب عنى ساعدني وقام بتسديدها".

زوجة في دعوى خلع: جوزي عايزني خدامة لـ أمه 

زوجي يعمل في صناعة الذهب والماظ

وتضيف الزوجة: "زوجي غني فهو يعمل في صناعة الذهب والألماظ، ورغم كده رفض أن يساعدني ودايما كان بيقولي أنا موافق تعملي أى حاجه مقابل أنك متطلبيش مني فلوس، وذلك وصلني إلى أن أفكر في الانتحار، فابنتي محتاجه فلوس علشان علاجها وزوجي رفض أن يساعدني وأهلى لا يساعدوني إلا بالقليل، وجوزي ده ابن أمه بيسمع كلام والدته في كل حاجه، وهى دائما ما تردد متستهلش يا ابنى أنك تصرف عليها وهى تنزل وتنفق على بنتها، ابنها كان بيجيب لإمه كل حاجه هى محتاجاها".

دعوى نفقة

وتختتم هبة: "أنا جيت محكمة الأسرة ورفعت دعوى خلع على جوزي بسبب أنه رفع السكينة على بنتي وكان عاوز يدبحها وفتح أنبوبة الغاز علشان نموت مقابل أنى اخرج واترك المنزل ووقتها، خرجت وتركت المنزل، ولكن قررت مش هارجع البيت ده تاني ومن وقتها وأنا في بيت عائلتي حتى يتم الخلع وأقوم بعد ذلك برفع دعوى نفقة ضده للإنفاق على ابنتي منها وعلاجها".