سيدة لـ تحيا مصر: طليقي خطف بناتي ووبيقولي أخرك طلقة رصاص| فيديو

لا يزال مسلسل الخلافات الزوجية منتشر داخل المجتمع المصري بسبب كثرة حالات الطلاق ما يترتب عليه ضياع الأطفال على المستوى الأسري والاجتماعي والتعليم مما يؤدي إلى دمار طبقة كبيرة من المجتمع المصري هذا بالإضافة إلى زيادة الحمل على الزوجة  خاصة بعد حالة الطلاق حيث أصبحت هى الأب والأم  حيث إنها تكون مكلفة بحضانة الأولاد  بعد الطلاق.

شريك قاتل شيماء جمال: القاضي بتاع نسوان وممكن يعمل أى حاجة شمال

صوت الأغاني تسبب بقتل حسان..والدته: راح المقابر يقرا الفاتحة على أبوه رجع سايح في دمه

دفاع قاتل شيماء جمال: موكلي اعترف بإرتكاب الجريمة دفاعا عن النفس

وفى صدد ذلك يرصد موقع تحيا مصر عن طريق فيديو لايف قصة لحالة طلاق نتج عنها ضياع لحق الأولاد فى التعليم وتدهورت حالتهم الصحية..«أمنية» هى أم لبنتين فى الثلاثينات من عمرها  استمر زواجها 10 سنوات ثم تم الانفصال بينها وبين زوجها منذ 4 سنوات فى مقابل أن تتنازل الزوجة عن حقها ولا تطلب شئ بعد الطلاق  فى مقابل حضانتها لبناتها بعد أن تسبب لها فى أضرار نفسية وجسدية وضربها فى وقت سابق مما أدي إلى إجهاضها.

وقالت "أمنية" أنها عاشت  بعد الزواج فى الإمارت واستمرت بالخارج حتى بعد الانفصال وكانت ترعى  بناتها أثناء فترة الانفصال وهى تسكن فى دولة الإمارات وكانت علاقتها بطليقها علاقة عادية كل شخص فى عمله لكن يتقابلا أثناء رؤيته لبناته ثم بعد ذلك يذهب إلى مسكنه حيث يسكن فى دولة الامارات بحكم عمله وتبقى البنات معها.

خطف البنات منها على طريقة الافلام الهندي

أضافت "أمنية" أنها عشقت العمل وتعمل على تطوير نفسها  لذلك عادت إلى مصر لتأخذ دبلومة تؤهلها للحصول على الماجستير لتحسن من دخلها الوظيفي وتركت بناتها لطليقها فى الإمارات بسبب أن ابنتها كانت فى الامتحانات فقام طليقها  بخطف بناتها وسرقة ذهبها ومحتويات الشقة ونزل من الإمارات وأعطى البنات لوالدته على الرغم من إنها تزوجت بعد وفاة والده من شخص أخر، وإنها لو تعرف ماذا سيحدث لكانت تركتهم مع أي أحد من زمائلها وهى وثقت في طليقها بسبب تعامله بشكل كويس معها ومع بناته لكن تفاجأت بما حدث.

ضياع أبناء "أمنية" بعد ما خطفهم طليقها 

وذكرت أنها كانت تعمل معلمة فى مدرسة خلال إقامتها فى الإمارات وكانت تنفق على بناتها أثناء فترة الطلاق، قائة "أنا كنت بعلمهم أحسن تعليم فى مدارس دولية فى الإمارات وبناتي كانوا متفوقين ولما كنت بقله اصرف على البنات كان بيرد عليه لو مش عاجبك انزلي مصر وأنا اللى كنت بدفع المصاريف".

حالة طليق "أمنية " فى الإمارات

قالت أمنية:" طليقي كان يعمل في الإمارات فى شركة كويسة وهو خريج تجارة إنجليزي ولما حصل خلاف مع الشركة اللى شغال فيها وعليه احكام قضائية نزل مصر ولما نزل مصر أخد البنات معاه وسرق ذهبي ومحتويات الشقة علشان يضغط عليا علشان ينزلني ويخليني أسيب شغلي مش عاوزني يبقى معاية فلوس، أنا تعبانة دا محدش هامه ومش عاوز يديني بناتي بعد ما خدت حكم قضائي عليه بالسجن 6 شهور, وفى شهر مايو اللى فات قالي فى المحكمة أنا معايا البنات ومش هتاخديهم بعد كدا وغيروا محل السكن وراحوا قعدوا فى شقة تعبانة وولادي مبيعرفوش يتكلموا غير انجليزي دول متفوقين وفى مدارس دولية بناتي خلاص ضاعوا, ويتهمني اتهام كيدي بأني ضربته وهو اللى  ضربني وبيشتكيني والمرعب كمان جالي تهديدات من شخص تبع طليقى بيقلي هحبسك".

وتابعت أمنية:" بناتي بقالهم سنتين ونص معرفش عن بناتي حاجة قاعدين فى البيت عند أمه الست اللى عندها 65 وبتمشي من شقة لشقة علشان مش عاوزين يدوني عيالي وأم طليقي بتغير منى وتقلي أنتي اتعلمتي وتحسدني، وأم طليقي كانت متجوزة زمان وبتهمل أولادها اللى من ضمنهم طليقي وكانت بتروح عين شمس متجوزه واحد بتروح له وبتسيب عيالها، وهي واخده بناتي وأنا معايا الاحكام ومش هسيب حقى ومن كتر البجاحة بترفع قضية لإسقاط حضانة بناتي بس اترفضت علشان أنا موجودة وأمي عايشة"

بحزن شديد على بناتها قالت أمنية:" طليقي شخص عاطل ومش شغال بعد ما نزل من الإمارات وسرق ذهبي اللي بـ350 ألف جنيه مصري ده شخص صحيفة الحالة الجنائية بتاعته وحشة دول ناس مغلولين وأخوه وأمه بيعملوا حاجات غير أخلاقية ولم اعترضت حصلت مشاكل وشوهوا سمعتي وابن خالته بيقلي ديتك طلقة، وأنا لو هموت وأنا بدافع عن حق بناتي أموت وأنا عاوزة الحكم  يتنفذ والداخلية تقدر تجيبه من تحت الأرض وبيعايروا بناتي وبيقولوا لهم أمكم مش عوزاكم".