صوت الأغاني تسبب بقتل حسان..والدته: راح المقابر يقرا الفاتحة على أبوه رجع سايح في دمه

خيم الحزن على عزبة أم يوسف التابعة لمركز فاقوس بمحافظة الشرقية بسبب مقتل شاب عمره 24 سنة يدعى حسان صلاح  قتل على يد مجرمين من كفر البلاسي  أحد القرى التابعة لمحافظة الشرقية يوم الأحد الماضي.

شقيقة المجني عليه تروي أخر التفاصيل  

تحكي شقيقة المجني عليه لموقع تحيا مصر:" قبل موته قال إنه هو قبل ما يصلي الجمعة  هيعدي على المقابر يقرأ الفاتحة لوالده  بصيت لقيته قدام بيتى مخبوط بالشومه فى دماغه ومخبوط فى جانبه وأمعائه طالعة من جانبه حطيط  قطعة قماش على الجرح وحطيت له فانلة على الجرح وطلعت أجري بيه على المستشفى".

والدة المجني عليه 

تحكي والدة حسان صلاح عبدالكريم: أنا كنت قاعدة في البيت وتفاجئت بأن ابني بيقولولي راح المستشفى وعندما ذهبت تم تحويله لمستشفى الزقازيق، وحسان مكنش ليه خلطة بحد ومفيش عداوة بينه وبين حد وقال للقتله وطي صوت الأغاني علشان دا جامع والناس بتصلي بعد ما خلص صلى القاتل جاب حاجة قتله بيها فى جمبه".

وأضافت والدة المجني عليه:" المتهمين دول رابع جريمة قتل دي ليهم وهما دول بلطجية ومسجلين وقتلوا واحد قبل كدا علشان شاط كورة".

راح يقرا القاتحة على والده

وقالت شقيقة المجني عليه:" كان هو مخبوط على دماغه والدم طلع من جانبه هو راح يقرأ الفاتحة فى المقابر لوالده فى جامع جانب المقابر دخل حسان يصلي فى ناس مشغله أغاني جانب الجامع راح حسان قالهم وطوا الصوت علشان خاطر فى صلاة جمعة وبعد كدا دخل حسان يصلي الجمعة بعد ما خرج  واحد اسمه صابر ومعاه عياله جاب شومة وضربوا  حسان فوق دماغه وداخ ووقع  وبعد كدا فى واحد اسمه أحمد  غرز داخل جانبه سكينة وأخويا بعد يومين مات اضرب يوم الجمعة مات يوم الأحد" 

المتهمين بلطجية 

وتابعت شقيقة المجني عليه: "الناس دي مش شغالة والستات عندهم بتصرف عليهم وكلهم سوابق وتعدوا على ناس قبل كدا وابن عم الجاني ضربوا واحد قبل كدا جابولوا ارتجاج فى المخ وليهم أخ واخد 15 سنة ولسه مطلعش وأبوههم مسجل  خطر وحرضهم على قتل أخويا وقالهم اقتلوه دا ملوش دية".

وذكرت شقيقة المجني عليه: " دول لما يقتلوا مرة واتنين وتلاتة وأربعة بيتسجنوا ويطلعوا تاني وأخوه قتل قبل كدا وأخد 15 سنة, وأخوه التاني يقتل أخويا, احنا واثقين فى القانون اللي هيجب حقنا علشان لما  يقولهم وطوا الصوت وهم ماشيين بالتروسيكل ومشغلين أغاني علشان الناس بتصلي  يموتوه".

خناقة بسبب صوت الأغاني

وأضافت شقيقة المجني عليه: " لما قالهم وطوا الصوت مسكوا فيه وحصلت خناقة بسيطة وبعد كدا هم استنوه وهو جي من القرافة جابوا أبوهم وزوجاتهم ودورا الطحن فيه وكان معاه أشرف الحضري صاحبه ضربه هو كمان  وواخد طعنتين كل طعنة بـ 6 غرز كل اللى كان بيقرب كانوا بيضربه، وحسان مكنش بيصاحب الأشكال دي والمكان دا ابني كان بيروحوا علشان الجامع والمقابر, وكل مقابر العيلة فى نفس المكان دا حتى كان فرحه قرب كان 10/10/2022 ".

وأردفت شقيقة المجني عليه:" أخويا الكبير قال عاوز حقه بالقانون وأخواتي ولا هم بلطجية ولا حبسجية ولا أي حاجة هما من شغلهم للجامع ومن الجامع للشغل ابني مسؤول كبير وعاوز حقه بالقانون 

القصاص

وطالبت والدة المجني عليه: "احنا مش عاوزين مشاكل احنا عاوزين القصاص العادل فيهم وحسبي الله ونعم الوكيل فى اللى مد إيده على حسان".