مقصدتش تهينه.. الشاعر بهاء الدين محمد يعلق على تصريحات شيرين عبد الوهاب

علق الشاعر بهاء الدين محمد التصريحات الأخيرة التي تنمرت فيها الفنانة شيرين عبد الوهاب على الموسيقار الراحل حسن أبو السعود وذلك أثناء مداخلتها في برنامج “كلمة أخيرة” مع الإعلامية لميس الحديدي عبر شاشة قناة on tv.

تحيا مصر يرصد لكم تعليق الشاعر بهاء الدين على تصريحات شيرين عبد الوهاب الأخيرة

الشاعر بهاء الدين وشيرين عبد الوهاب 

وكتب الشاعر بهاء الدين عبر حسابه الرسمي بموقع التواصل الإجتماعي فيسبوك: حسن أو السعود حبيبى اللي عمري ما حسيت إنه مش في الدنيا، واللى كل الوسط بيحبه، وكان وجوده في أي مكان بيعمل حالة من البهجة، بروحه الطيبة وقلبه اللي كله حب وفن.

بهاء الدين: أبو السعود من أفضل عازفي الأوكرديون في العالم

وتابع بهاء الدين محمد: الفنان اللي عملنا مع بعض نجاحات عايشة لحد النهاردة، ومنها آسف حبيبتى، لما النسيم، في ناس، أصعب حب، وعدا الليل، عمال يحكيلي عنها، ومئات الأغاني اللي كان بخبرته في اللايف، بيعرف يجيب الجملة، اللي الناس تحبها، وبالفعل سيطرنا سنين على الساحة الغنائية وغيرنا كتير، ده غير أنه كان من أفضل العازفين على الأوكرديون في العالم.

بهاء الدين: أبو السعود قالي أنت أكتر حد هيزعل عليا لما أموت

وأردف قائلًا: في يوم من الأيام، وهو نايم تعبان لقيته ابتسم لي، وسألني أنت عارف مين أكتر حد هيزعل عليا لما أموت؟، قولتله اسم من أسماء ولاده، قالي لأ، أنت أكتر حد هزعل عليا، وبالفعل أنا مابقيتش حتى أمشي من شارع بيته، وفضلت فترة طويلة أنسى إنه مات، لأنه عشرة فن وحياة، وكان بيحبني كأني ابنه، وكان بيفرحلي بكل نجاح حتى لو مش معاه، وأبقى أحكيلك إزاي اتقابلنا لأن الموضوع ده مهم.

بهاء الدين: شيرين عبد الوهاب مقصدتش تهين أبو السعود

وعن تعليقه بشأن تصريحات شيرين عبد الوهاب الأخيرة، قال: المُهم علشان أقول اللي ضميري بيحسه في موضوع شيرين عبدالوهاب، واللي جهات كتير عايزاني أقول رأي في كلامها عنه أو وصفها، أنا بكل صراحة أقول ما حستش إنها قاصدة تهينه، ولا تسخر منه، هي بس استدعت سيرته بشكل يبدو ساخرًا، لكن رغم إني متضايق منها، وعندي من أغلى الناس، إلا إن إحساسي قالي إنها ما تقصدش.

واختتم بهاء الدين حديثه: فعلًا لما كنا بنتقابل كان بيحتفل بشيرين، وبيحب فنها والبساطة اللي فيها، وهي كانت بتحبه وتحترمه، وللعلم أنا لما كنت بروحله وشبعان ومش طايق أشوف أكل، أول ما يقولي تاكل بأداء ما شوفتش زيه، بلاقي نفسي باكل، الله يرحمه كان فنان ودمه خفيف وقلبه قلب طفل.