خرج ولم يعد..سارة الإنجليزة تخلع زوجها المصري..صرفت عليه وسفرته بلدي وخلع مني

أنا عاوزة ابدأ حياة جديدة هادية لا يوجد فيه اضطرابات ولا مشاكل ولا نزاعات ولا خناقات«.. تلك هى كلمات سارة» ساميلش السيدة الإنجليزية التى تروي لـ تحيا مصر قصتها ومأساتها ومعاناتها مع زوجها المصري وهى أمام محكمة الأسرة.

تفاصيل القصة

وقالت سارة سمايلش، البالغة من العمر 36 عاماُ:" اعمل معلمة إنجليزي، وأنا اتجوزت منذ 6 سنين، عام 2018 وجوزى عامل نظافة في انجلترا، وعنده 39 سنة، وأنا قابلت جوزي وأنا عمري 22 سنة، في سفرية من انجلترا للأقصر وأتعرفت عليه وأخذت رقمه وكنا بنتواصل مع بعض في فترة دى على الفيس بوك".

حماتي مش بتفهم إنجليزي 

وتكمل سمايلش:" أنا أتعرض عليه فرصة عمل في مصر كمدرسة للغة الإنجليزية بمدرسة إبتدائية؛ فانتقلت إلى مصر للإلتحاق بالوظيفة وفضلت على تواصل مع جوزى قبل الزواج لمدة خمس سنوات حتى تزوجنا وسكنت معه في مصر، واتخنقت مع والدته كتير، وحماتي مكنتش بتفهم لغتى الإنجليزية وجوزي هو اللى كان بيفهمها كلامى، وأغلبية مشاكلنا كانت بسبب كده". 

زوجي شغال عامل نظافة وأنا مدرسة بإنجلترا

وتضيف سارة: "أنا مبعرفش أتكلم عربي نهائيا على الرغم أنى عشت في مصر كتير، وبعد زواجنا بفترة جوزى عرض عليه فكرة أننا نسافر ونعيش أفضل في انجلترا، وفعلا جهزت لجوزى إجراءات السفر واستخراج جواز السفر، وسافرنا لانجلترا وهواشتغل عامل نظافة وأنا مدرسة".

لماذا هجرني ورحل منذ عام

وتستكمل السيدة الإنجليزية: "جوزى بدأ يغضب ويعلى صوته عليا بدون سبب ويفتعل مشاكل كثيرة، وأنا لا اطيق المشاكل والخناقات، حتى رجعت إلى البيت في يوم، ولم أجده وبحثت عنه في أكثر من مكان، وإلى اليوم وأنا لا أعرف عنه شئ، ولا أعرف لماذا هجرني ورحل منذ عام".

رفع دعوى خلع

وتوضح سارة: "أنا بحبه جدا، وكنت منتظراه يرجع ومعرفش هو مرجعش ليه لحد دلوقتى، فقررت أنى لازم اتطلق منه وأبدأ حياة جديدة بعد سنة بحث، ولذلك ذهبت لمحكمة الأسرة لخلعه ولكي أستطيع الزواج بغيره في بلدي، وأنا منتظره قبول المحكمة برفع دعوى الخلع".

خرج ولم يعد

وتختتم سمايلش:" أنا هخلع جوزى لأسباب كثيرة، أولاً هو سابني في إنجلترا ومعرفش مكانه، ومكنش بيهتم بيا ولا بيصرف فلوس، وأنا اللى كنت بصرف عليه، وأحنا كنا بنتخانق كتير حتى خرج ولم يعد".