بالعكاز وغياب فترة طويلة.. مريم الخشت تكشف تفاصيل إصابتها بكواليس مسلسل "مجنونة بيك"

كشفت الفنانة مريم الخشت لـ متابعيها وجمهورها، كواليس إصابتها أثناء التصوير، في مقطع فيديو جديد لها عبر صفحتها الشخصية بموقع التواصل الإجتماعي لتبادل الصور والفيديوهات انستجرام.

تحيا مصر يرصد تفاصيل إصابة مريم الخشت أثناء التصوير

إصابة مريم الخشت أثناء التصوير

علقت الفنانة مريم الخشت على الفيديو الذي نشرته مؤخرًا عبر انستجرام، قائلة: "بداية السنة دي كانت مختلفة.. واختلافها في حاجات كنت متعودة عليها بقالي سنين وكلها اتغيرت”.

وتابعت: “يعني السنة دي هي أول سنة مكنش في الردايو اللي بقالي فيه سنين، ومكُنش في رمضان لأول مرة من 5 سنين، و لأول مرة رجلي تتكسر وتخليني أقعد في البيت أطول فترة في حياتي في وقت”.

وأضافت مريم الخشت: “بكل المقاييس اللي في الدنيا ماينفعش يحصل فيه كدهّ بس فعلاً ربنا كبير أوي و مش بيعمل حاجة وحشة، وأنا فعلاً مؤمنة بده!”.

مريم الخشت مسلسل مجنونة بيك 

واستكملت قائلة: “مسلسل مجنونة بيك تجربة مختلفة أول مرة تحصل في الوطن العربي، أول مسلسل استعراضي غنائي.. كل الناس اللي بتشتغل فيه بتعمل أقصى و أكتر حاجة عندها عشان يطلع في أحسن شكل”.

وتابعت: “عدد استعراضات كبير وأغاني بتتحفظ وبتتسجل قبلها بفترة، وتيجي يا مريم يوم 30 مارس بعد أول أسبوعين تصوير تٌقعي على رجلك بعد مشهد عادي جداً، بعد الوقعة رجعت كملت التصوير”.

وقالت مريم الخشت أيضًا: “وبين توقيف التصوير وإننا نكمل لوقوف تصويره شهر كامل!.. كل التفاصيل والحاجات اللي عيشتها كانت مخلياني مش فاهمة إزاي هرجع بعد شهر أقدم أكتر من 13 استعراض!”.

اقرأ أيضًا

رضوى الشربيني تعلن عن انطلاق موسم جديد من برنامج "هي وبس" ومفاجأة للجمهور

غياب مريم الخشت عن الشاشة

وأضافت: “اختفيت فترة طويلة، وبعدها رجعت اصور وصورت كل الاستعراضات وانا رجلي لسه فيها مشاكل بس حماسي لكل حاجة كان مخليني أحسن، متحمسة لكل حاجة حصلت في المسلسل اللي بتشرف إني اشتغلت فيه… شكراً لكل الناس من المنتجة الجميلة سالي والي و حبايبي علي فايز و احمد جمال.. والمخرج صديقي الجميل جو بوعيد”.

وتابعت: “و حبيبي مدير التصوير احمد زيتون و مصمم الاستعراضات الهايل هادي عواضة، والكاتب الخطير و صديقي عمرو مدحت، المزيكا اللي قدمها و من اكتر الناس اللي شجعتني مصطفى الحلواني، والميكب ارتست حببتي آيه عبد الحميد”.

واختتمت قائلة: “و زمايلي و اصدقائي اللي وقفوا جنبي جدا أمير المصري وآدم الشرقاوي وانتصار وإنجي كيوان ومراد مكرم ،و لتـــيم الاخراج اللي حرفياً "شالني" المسلسل كله بعد الوقعة، ولكل الناس اللي اشتغلوا وطلع عنيهم عشان المسلسل يخرج بأحسن شكل.. متحمسة جداً تشوفوا "راندا" ومتحمسة تقولولي رأيكم".