بتهمه بالتزوير وشعبان عبد الرحيم كلمه كتير ومستجابش.. تصريحات قوية لـ أرملة شقيق سعد الصغير

اتهمت أرملة شقيقة سعد الصغير، الفنان الشعبي بالتزوير لعدم إدراج اسمها ضمن إعلان الوراثة، مطالبة إياه بحقها الشرعي وهو ورثها من زوجها الراحل. 

وأدلت أرملة شقيق سعد الصغير لكاميرا تحيا مصر العديد من التصريحات، نرصدها خلال السطور التالية: 

تصريحات قوية لـ أرملة شقيق سعد الصغير 

أنت ازاي بتنكرني يا سعد وشكلك هيقى عامل ازاي لو أثبت أني مرات أخوك

لو أنا مش متجوزة رسمي مكنوش طلعولي شهادة وفاة

بتهمك بالتزوير لأنك طلعت إعلان وراثة ومحطتش اسمي فيه

أنا لو عايزة ابقى تريند هطلع في القنوات اللي بتكلمني

لو مدتنيش حقي أنا خصيمتك ليوم الدين 

أنا متكلمتش من 16 سنة عشان مكنش معايا فلوس أرفع قضية والمحامي اللي معايا دلوقتي متطوع

شعبان عبد الرحيم أكتر حد وقف جمبي وكلم سعد كتير جدًا وولاده يشهدوا لكنه مستجابش

اللي بيقولوا مليش ورث لا أنا جوزي كان عنده شقة وعربية

لو أنا ست مادية كنت اتكلمت عن الموضوع دا على قناتي على اليوتيوب عشان تدخلي فلوس

أنا عايزة حقي الشرعي بس

عودة زوجة الصغير الثانية له

على الصعيد الآخر، أعلنت برلنتي عامر الزوجة الثانية لـ سعد الصغير عودتها له من خلال فيديو شاركته عبر حسابها الرسمي بموقع التواصل الإجتماعي “فيسبوك” يحتفلان خلاله بعيد زواجهما.

وظهر سعد الصغير خلال الفيديو وهو يقول: “ أنا واقع في عرضك، وواقع في طولك، تاخدي عمري كله، إني بس أطولك، برلنتي نمرة واحد، مفيش أي واحد، هيحبك زي ما أنا بحبك، أحلى عيد جواز”.

وعندما سألته برلنتي عن موعد عودتهما لبعض، فرد عليها متناسيا: “هو إحنا انفصلنا، ما تستهبليش، عمرنا ما انفصلنا”.

برلنتي عامر تعلن انفصالها عن سعد الصغير

وكانت برلنتي عامر أعلنت انفصالها عن سعد الصغير في يوم 7 من شهر فبراير الماضي، اذ كتبت عبر حسابها الرسمي بموقع التواصل الإجتماعي “فيسبوك”: “بكل الحب والتقدير لشخص سعد الصغير تم الانفصال بيني وبين سعد طلاق نهائي”.