بالدم والساطور.. حمو بيكا يهنئ زوجته بالعيد: مراتي حبيبة قلبي

حرص مؤدي المهرجانات حمو بيكا على تهنئة زوجته بعيد الأضحى المبارك، متمنيًا لها يوم سعيد. 

تحيا مصر يرصد تهنئة حمو بيكا لزوجته بعيد الأضحى 

رسالة حمو بيكا لزوجته 

نشر بيكا صورة تجمعه هو وزوجته عبر حسابه الرسمي على موقع تبادل الصور والفيديوهات القصيرة «إنستجرام»، ظهر فيها وهو ملطخ بدم الأضحية حاملًا ساطور، وعلق عليها قائلًا: «مراتي حبيبتي.. كل سنة وأنتي طيبة»

فاجيء مطرب المهرجانات حمو بيكا، بنشره صورة قديمة له أثار بها ضجة كبيرة عبر موقع التواصل الاجتماعي فيسبوك.

نشر مؤدي المهرجانات حمو بيكا صورة قديمة له شارك بها متابعيه وجمهوره عبر صفحته الرسمية بموقع التواصل الاجتماعي فيسبوك، وظهر حمو بيكا في الصورة يقف حافي القدمين أمام سيارة نقل.

وعلق حمو بيكا على صورته، قائلاً: "الشغل مش عيب، العيب إنك تداري الماضي بتاعك والمفروض تفتخر بيه، اللي في الصورة ده شقى وتعب سنين السنين عشان يوصل للي هو فيه دلوقتي، وراضي الحمد لله بكل حاجة في حياتي".

وأضاف: "نصيحة مني لكل الشباب في الوطن العربي اتعب واشتغل أي حاجة واصرف على الحاجة اللي بتحبها عشان هتوصل للي إنت عايزه ربنا هيكرمك بيه".

حمو بيكا واستقالة هاني شاكر

وفي سياق آخر، كان قد رد مؤدي المهرجانات حمو بيكا على الانتقادات التي تعرض لها بعد ما كتبه على صفحته بموقع التواصل الاجتماعي فيسبوك بعد استقالة هاني شاكر.

وقال حمو بيكا من خلال فيديو بث مباشر له: "هاني شاكر راجل مقامه كبير، على دماغي، وبحبه، ومفيش بيني وبينه أي مشكلة، وكنت زعلان إنه قدم استقالته، مع إني مش شغال في مصر وموقوف، ولكني مش زعلان".

وتابع: “هاني شاكر أخويا الكبير، وبنتشرف بيه في كل حتة.. أنا نزلت صورة مكتوب عليها: (أنا راجع يا شوية جواجع)، ودي أغنية جديدة مع نور التوت، لكن الناس فهموا غلط، وحرَّفوا كلامي”. 

واستكمل قائلًا: “وأنا مش مستحمل والله العظيم تلاتة، كل واحد فيه اللي مكفيه، أنا موقوف ومش معايا الكارنيه، لكن راضي بحكمة ربنا، وألف شكر ليك يا رب إني ماشي على رجلي وأنا علاقتي بهاني شاكر جيدة، ولا توجد أي خلافات بيننا".

واختتم: "بقول لأستاذ هاني شاكر، أنا أخوك الصغير، وبحبك، ومفيش بيني وبينك أي حاجة، وقدَّرني زي ابنك، وأنا مش عاوز حاجة، ومش عاوز النقابة، أنا بس حبيت أوضح حقيقة تصريحاتي للجمهور، ولكل الناس اللي فهمت غلط، وإني مش قصدي أي إساءة".