سالي عبد السلام توثق لخظة تعرضها للتحرش «فيديو»

كشفت الإعلامية سالي عبدالسلام عن تعرضها للتحرش من قبل أحد الأشخاص وهي تحتسي القهوة في إحدى محطات الوقود. 

تحيا مصر

سالي عبد السلام تتعرض للتحرش

نشرت مقطع الفيديو عبر حسابها الرسمي على موقع انستغرام وعلقت عليه بسرد قصة تعرضها للتحرش كاملة، وقالت:ده واحد وانا قاعدة من شوية فى العربية ومنزلتش حتى بشرب كوفى انا و ريم صاحبتى فى البنزينة اللى جمب بيتى جه يستظرف "معاكى شاحن؟؟" رديت بكل ادب لا.. وداخل بدماغه يشوف !!.. بعدها انتى متضايقة ليه!!؟".

وتابعت سالي عبدالسلام عبر منشورها: قولتله حاجة متخصكش واتفضل امشى !!.. لااااا متكلمنيش كدة!!!..قولتله اتفضل من هنا!!.. مفيش!!!!.. ولسه هيقل ادبه و يستظرف تانى..صورته فيديو !!"

واستكملت المذيعة سالي عبدالسلام سرد تفاصيل الواقعة قائلة" لما الناس اتلمت بيقولهم كنت بطلب شاحن! الرجالة بقيت بتقوله هو معلش!!!".

ووجهت المذيعة سؤالاً قائلة " السؤال هل هو العادى ان اى حد ممكن يكلم بنات و يستظرف و يدخل جوا العربية و عايزنا نسكت؟؟!

ليه!!!؟؟؟ احنا حصلنا ايه؟؟؟!.

ونشرت رقم سيارة الشاب وتابعت قائلة " السؤال بقى هو مين ده؟؟ وهل ده عادى؟.. فى بنات هتقبل ده عادى!! مجتمعنا شايف انه عادى؟ ولما اقوله امشى ميمشيش".

بدأت سالي عبد السلام، العمل في المجال الإعلامي، من خلال تقديمها برنامج «خلي بكرة أحلى» في محطة «ميجا إف إم»، ثم انتقلت إلى راديو «9090»، لتقديم برنامج «طلقة على الطريق»، وبعدها قدمت برنامج «المتوحشة» على شاشة النهار.

حصلت سالي عبد السلام، على جائزة أفضل مذيعة فى مسابقة دير جيست، في 2012 و2015.

قصة تعرضها للهجوم بسبب الحجاب والصور الجريئة

كانت تعرضت سالي عبد السلام، للهجوم، بعد نشر صورة لها، مرتدية الحجاب، خلال أدائها مناسك العمرة.

تعرضت للهجوم والانتقادات لارتداء ملابس جريئة، أثناء ظهورها في البرامج التلفزيونية، لتخرج عن صمتها فيما يخص هذا النطاق، قائلةً: «آخر صورة بالحجاب لحد ما ربنا يكتبهولي وأبقى مستعدة بإذن الله، محدش هيتحاسب بدالي ودي حياتي أنا، ادعولي بدل ما تقولوا كلام ملوش أي لازمة».