نجوى فؤاد: حمو بيكا شخصية حلوة ولو معايا فلوس هنتج له فيلم

أشادت الراقصة نجوى فؤاد بمطرب المهرجانات الشعبية حمو بيكا خلال حلولها ضيفة ببرنامج ضرب نار الذي تقدمه  الذي تقدمه الإعلامية داليا فؤاد ومذاع عبر قناة القاهرة والناس وذلك في مساء يوم الأحد الموافق 16 من شهر رمضان.

تحيا مصر يرصد في ذلك التقرير تصريحات نجوى فؤاد عن حمو بيكا

كشقت نجوى فؤاد عن رأيها في حمو بيكا فقالت: “ أنصح حمو بيكا يمثل، أنا مش ضد المهرجانات يمكن ده أكل عيشه وبيربي أولاده، لكن حمو بيكا هينجح لو مثل، ولو أنا عندي فلوس أنتج فيلم أنتج له فيلم لأنه شخصية حلوة”.

وكانت قد صرحت نجوى فؤاد خلال البرنامج: “لبس الرقصات زمان كان محترم جدًا، والحركات ماكنتش مثيرة زي دلوقتي لكن الرقصات الأوكرانيات مختلفين عننا وإحنا لينا دين وشكل معين وبنحترم نفسنا وإسلامنا وديننا”.

نجوى فؤاد: بحس بالإهانة لو حد رمى عليا فلوس وأنا برقص

وأشارت نجوى فؤاد أنها كانت ترفض القاء المال عليها أثناء رقصها، اذ قالت: “بحس بالاهانة لو حد رمى عليا فلوس وأنا برقص ودي حاجة عمرها محصلت في تاريخي الفني، ومرة رجل أعمال طلع عمل كدة قولتله ارمي عليا ورد أحسن”.

نجوى فؤاد: اتجوزت 6 مرات عن حب.. ومكملتش مع أحمد رمزي عشان بنته

وسبق وتحدث فؤاد خلال البرنامج عن عدد وزيجتها، مؤكدة أنها تزوجت من 6 رجال فقط وليس 15 رجل كما زعم البعض، مشيرة إلى أنها تزوجت من أحمد رمزي 6 أسابيع فقط، وعن علاقتهم فقالت فؤاد: ««كنا بنعمل فيلم وهو كان مطلق مراته وانا متطلقة، وعرض عليا الجواز واتجوزنا، سافرت ولقيته اتصالح هو ومراته وهو بيعبد بنته، فقولته إحنا مخسرناش حاجة يلا ننسحب، وبقينا أصدقاء أكتر مااحنا كنا مرتبطين».

نجوى فؤاد تعود بعد 7 سنوات

الجدير بالذكر أنه، بعد 7 سنوات اختفاء، عادت الفنانة والراقصة الشهيرة نجوى فؤاد لإثارة الجدل حولها، من خلال تصريحات مؤثرة، حول إهمال الوسط الفني لها، سواء بالسؤال عنها أو بترشيح أعماله فنية عليها، رغم أنها تعتبر من أكثر الممثلات تواجدا في عدد من الأفلام السينمائية، وقالت فؤاد خلال الفيديو: «مفيش حد في الوسط بيسأل على حد خالص ليه؟ حرام مش عشاني أنا عشانا كلنا واحنا اللي بنحب بعض وبنجري ورا بعض وبنتمنى السعادة لبعض وحبوا بعض هتلاقوا الخير».