«مبشليش الشنطة لحد».. رشا سامي العدل تكشف أسرار الوسط الفني

تحدثت الفنانة رشا سامي العدل في بث مباشر لها على موقع التواصل الإجتماعي فيسبوك، عن العديد من الأسرار في حياتها، وبدايتها الفنية منذ الصغر وكشفت عن ما يحدث في الوسط الفني من واسطة ومحسوبية.

تحيا مصر يرصد لكم حديث الفنانة رشا سامي العدل عن بدايتها الفنية، وما يحدث في الوسط الفني وذلك خلال السطور القادمة.

بداية رشا سامي العدل

كشفت الفنانة رشا سامي العدل عن بدايتها الفنية، وقالت: بمثل من وأنا عندي ٨ سنين وبعدين سافرت ورجعت تاني ورجعت أمثل تاني يعني من وأنا عيلة صغيرة، ومش عارفة أفوت في الوسط الفني بسبب الوسايط والمحسوبيات واللي بيشيل الشنط وبيمسح الجزم، لو اتكلمت وحكيت الناس كانت بتعمل ايه عشان تخش الوسط الناس هتزعل مني.

وأردفت رشا سامي العدل: لأني اعرف تاريخ ناس كتير أعرف دخلوا ازاي وفين وعشان ايه، ولكن مش أنا ومش تربيتي ولا طريقتي ومش هقارن نفسي بحد أبدًا. 

رشا سامي العدل ضد المحسوبيات

وأستكملت رشا سامي العدل كلامها، قائلة: ولكن مش هقدر اعمل ده ولا اقدم تنازلات أيًا كان نوعها، مش انا اللي همسح أو أشيل شنطة حد ومش هخدم في بيت حد واقعد أاكل وأشرب وامسح، طبعاً الناس دي عارفة نفسها كويس.

وأضافت رشا سامي العدل: مش انا اللي هروح اصاحب واتجوز عشان اشتغل، الناس اللي تعرفني تعرف اني عمري ما قولت لحد هات او هاتي، الناس اللي عارفاني كويس عارفة إني عندي عزة نفس وبتصعب عليا نفسي، والحمد لله لحد النهاردة ربنا محوجنيش لحد غريب، عمري ما ميلت على حد غير من اهلي ومش ناوية، اللي عاجبة كلامي يتشال على الراس، واللي مش عاجبة كلامي ميعرفنيش خالص أيًا كان هو مين. 

واختتمت كلامها، قائلة: رشا الطيبة الهبلة اللي بتسكت على حقها خلاص بخ، مبقاش في من هنا ورايح اعتبروني أنانية ويلا نفسي، من هنا ورايح انا هاخد بالي من رشا وهحبها وهعمل عشانها.

رشا سامي العدل تبيع الطعام بالشارع

وفي سياق متصل، قد قالت في بث مباشر عبر حسابها الرسمي على موقع التواصل الاجتماعي فيسبوك: أنا فتحت مشروع أكل وهنزل أبيع في الشارع في دهب.. لأن أنا سعيت وفشلت كممثلة.. المنتجين والمخرجين مش بيطلبوني وأنا مش بلومهم بس مش هستني لما أقول لله يا محسنين.