« بيقولي يا تخينه .. وعايز يتجوز عليا» ..زوجة في دعوي خلع أمام محكمة الأسرة بعين شمس

«عايزني أعمل عملية تجميل .. عشان أنا تخينه » ..بهذة الكلمات رفعت ربة منزل «علياء» 25 سنة، دعوي خلع ضد جوزها «حسن»27 سنة، أمام محكمة الأسرة بعين شمس.

تحيا مصر يرصد في السطور التالية تفاصيل حكاية داخل محكمة الأسرة

أنتي بقيتي تخينة

روت الزوجة لـمراسلة «تحيا مصر»: «متجوزة وعندي ولادين ،  اتجوزت جواز عن حب وكان بيحبني قوي ، كنت رشيقة وحلوة قبل الجواز، لما خلفت بقيت تخينة ومبقتش أعجبه خالص ، وكل لما يشوفني يقولي حاولي تخسي شوية أنتي بقيتي تخينة أوي ومش عاجبني ، وعاملة زي البلونه ».

وأشارت الزوجة في تصريح خاص لـ  «تحيا مصر» : «كل يوم ينكد عليا ويشتمني ويزعقلي ويضربني، لحد مخلاني مبقتش طايقة أعيش معاه في بيت واحد ، وفي مرة جه وقالي خدى فلوس وروحي اعملي عملية تجميل  عشان تخليكي حلوة شوية بدل مأنت شبه البلونة، أنا هتجوز عليكى لو فضلتي بالشكل دة».

هرميكي في الشارع 

وأضافت الزوجة لـ «تحيا مصر»: «كل يوم إهانة لحد ماجه هددني في يوم وقالي ياما تبقي حلوة ورشيقة زى متجوزتك في الأول ياما هتجوز عليكي، وهرميكي انتي وعيالك في الشارع، ومش هطلق ».

وأختمت الزوجة لـ «تحيا مصر» :  « أنا مبقتش عارفة أعمل إيه خايفة اترمي في الشارع،فلجأت الي محكمة الأسرة بعين شمس لرفع دعوي خلع ضده».