لبنى ونس تهاجم محمد رمضان بعد فيديو إصابته والسبب ابنها.."تفاصيل القصة"

وجهت الفنانة لبنى ونس رسالة للفنان محمد رمضان، بعد إصابة ابنها في “لوكيشن” التصوير، بإصابات بالغة وحروق في ساقيه.

موقع تحيا مصر الإخباري يكشق القصة كاملة والرسالة النارية التي وجهتها الفنانة لبنى ونس لمحمد رمضان.

لبنى ونس لمحمد رمضان: “ولا تلقوا بأيديكم في التهلكة”

نشرت لبنى عبر حسابها على موقع التواصل الاجتماعي “فيس بوك” صورة لساقي ابنها ويظهر عليها إصاباته بحروق، وكتبت عليها قائلة: "إذا عملنا كل حاجة طبيعية وحقيقية كنا هَلَكنا، ولاتُلقوا بأيديكم إلى التهلُكه. يعنى إذا فى مشهد يا أستاذ محمد التمساح بياكلك نترحم عليك ويبقى آخر مشهد فى حياتك، تعلمنا مهنة التمثيل على يد عظماء ولم يطلق عليهم هذه الكلمة المزعومة النجم.. النجمة”.

اقرأ أيضًا..إصابة محمد رمضان تثير قلق جمهوره.. "تفاصيل"

وتابعت: “فى مهنتنا يا أستاذ محمد رمضان وأنت وأنا وكلنا عارفين إن ما يسمى بالنجم استغفر الله العظيم بيتعاملوا معاه فى اللوكيشن كأنه إله هو المِحور والكل يدور حوله، هل ممكن تتعرض لما حدث لابني في التصوير معاك، مستحيل طبعا بتعمل أكشن وبتبقى عارف قبلها كل تفاصيله مرة واتنين وعشرة واللى عاجبك بتوافق عليه واللى مش عاجبك بتغيره".

إصابة يوسف نجل الفنانة لبنى ونس

وأضافت: "يعنى القنبلة اللى زرعها عصام الوريث لابني تحت منه ومن غير ما يقوله ولا حتى يلبسوا واقي يقدر يعمل معاك كدة ليه؟!!!!أنت بني آدم وابني مش بني آدم أنت أغلى الناس عند والدتك ويوسف نن عيني ومافيش أغلى من الضنا حط ابنك مكان يوسف هاتقول برضه كله فى حبكم يهون بس أرجع واقولك ابني ربنا هايجبله حقه من اللى اسمه عصام الوريث دة اللى ميعرفش أبجديات عمله اللى بيستبيح حياه الشباب عشان يحقق الطبيعية المزعومة الغلط اللى حضرتك بتتكلم عنها حق بني إن شاءالله هايرجعله مش هاسيبه عشان يبطل سي الوريث دة أنه يستهين بحياه الناس، سؤال بقى لما نموت سيادة النجم هايندفن فين ؟؟؟؟؟ الديان والعدل والحق موجود وأعتمدنا عليك يارب".

الجدير بالذكر، أن محمد رمضان أصيب أثناء تصوير مسلسله الجديد “موسى” بحروق جثيمة في الظهر، وعلق على الحادث قائلًا: "الحمد لله وقدر الله وما شاء فعل إصابتي كانت شديدة أثناء تصوير انهاردة ولكن الحمد لله الأهم أن الشغل يوصلكم حقيقي وكله في حبكم يهون".