بالفيديو..عمرو راضي باكيًا: "الموضوع صعب اوي ربنا ميوجعش قلب حد على صاحبه"

طمأن اليوتيوبر الشهير عمرو راضي جمهوره على حالته الصحية، بعدما تعرض لبعض الإصابات في فقرات الظهر "ديسك الظهر"، مشيرًا إلى أنه بحالة جيدة ولا تستدعي القلق.

ظهر خلف عمرو راضي في مقطع الفيديو الذي نشره على صفحته الرسمية عبر موقع التواصل الاجتماعي "فيس بوك"، صورة جمعته مع الراحل مصطفى الحفناوي رسمت على الحائط، ليبكي راضي مع نطق اسم مصطفى قائلًا: "انا كويس والله ولكن الموضوع صعب اوي".

علق عمرو على الفيديو كاتبًا رسالة للراحل الحاضر مصطفى الحفناوي: "مفيش حاجه ممكن توجع قلبي وتاخد روحي .. زي حزني عليك مع السلامه يا حبيبي ، بس عايزك تعرف إني بشوفك ف كل مكان .. وكل حاجه بتفكرني بيك .. وشك مبيفارقنيش
مكانك جمبي ف العربيه .. كرسيك قدامي ف القهوه ..الاكل اللي بنروحله .. الرغي قبل م بننام .. كل الصور .. كل الاماكن ..كل البيوت .. كل الهزار ..كل التفكير ف الماضي والمستقبل ..صحابنا ..كل حاجه بتفكرني بيك".

اقرأ أيضًا..صديق عمرو راضي: "رافض الأكل وحالته صعبة أدعوله"

تابع: "حقيقة ان جسمك فارقني الهروب منها صعب .. بس المستحيل الوحيد ان روحك تفارقني لحظه ..اتعودت عليك وعلى يومي معاك ف سبنا أهالينا وعشنا مع بعض .. رجعتني بيتي لوحدي زي العيل الصغير اللي تاه من أمه ف سوق كبير مليان ناس .. فاكر كلامنا وفاكر أحلامنا وأوعدك هحققلك كل اللي كان نفسك فيه! و هشيل صورتك ف كل خطوه زي م شيلتك على كتفي...وحشتني يا عشرتي وونسي".