مستقبل وطن لـ الحكومة: المواطن المصرى بيموت ولو باع هدومه مش هيعرف يعيش

قال رئيس الهيئة البرلمانية لحزب مستقبل النائب عاطف ناصر موجها حديثه لـ "الحكومة": مش حنقعد فى مكاتب ونقول الدنيا وردية.. ارحموا من فى الارض يرحمكم من فى السماء".

وأضاف رئيس برلمانية مستقبل وطن، فى كلمته عقب انتهاء بيان رئيس الوزراء امام الجلسة العامة، " أنا معرفش أغلب الوزراء لاننا الحمد لله مش بنشوفهم فى المجلس، لما نبقا عايزين نقابل الوزير يقول انت عايز تقابلنى ليه روح قابل الموظف المسئول وهذه شكوى متكررة من 378 نائب".

وتابع النائب عاطف ناصر، "رئيس الوزراء حسسنى فى بيانه أن الشعب المصري عايش فى رخاء وعدينا الأزمة لكن الشعب تحمل كثيرا والقرارت الاقتصادية وتعويم الجنيه بشكل أكثر من طاقته، والنتيجة اللى بنشوفها إيه! الحد الادنى للأجور انت قلته ألفين جنيه وأى فتورة بسيطة لكهرباء تمنها 500 أو 600 يصرف على اسرته منين يبيع هدومه..وكمان مافيش صحة فى مصر بعد ما لفيت 27 محافظة المواطن المصري بيموت".

ووجه النائب عاطف ناصر حديثه لـ رئيس الوزراء قائلا، "المواطن البسيط بيموت يادولة رئيس الوزراء، الفلاح المصرى بيموت، المواطن لو باع هدومه مش هيعرف يصرف على عياله".