شريف الصيرفي يكتب : بيزنس المُرتزقه "إسراء عبدالفتاح".. ويكشف سر قوتها وطرق تهريبها للتمويل الأجنبى .. اسراء عبدالفتاح تتهم مصر بقمع الأخوان .. لماذا تقف الدولة عاجزة امام "المرتزقة"؟

بعد 25 يناير 2011 لازم "إسراء عبدالفتاح" تاخد "أُجرتها"، فازت بجائزه ملهاش أي تلاتين لازمة إسمها "سيدة العالم" وإستلمتها في إحتفال في نيويورك.

وأنا بصراحه مش قادر أفهم "يعني إيه سيدة العالم" مش فاهم .. فـ، تخيلت الحوار ده حصل:


-إحنا عايزين نبعت أُجرة إسراء عبدالفتاح

=خلوها سيدة العالم


بس ملحوظه صغيره : جائزه سيدة العالم كسبتها يمنيه إسمها فائقه السيد .. وطبعا كٌلنا عارفين إيه اللي حصل لليمن السعيد .. فالجايزه دي ميكسبهاش غير اللي يخرب بلده

مش هقول عليها ناشطه .. لكن الوصف الصحيح "مُرتزقه"

"اللي معاه ورق يثبت إني باخد تمويل أجنبي .. يتقدم بيه للمحكمه" , الجمله دي دايما إسراء عبدالفتاح بترددها


سر ثقة "إسراء" في الجمله وراه محاميين حقويين مُرتزقه فاهمين ثغرات قانون وحماية دوليه علشان الفلوس تدخل بشكل قانوني أو "تحايل علي القانون"


في 3 طرق "إسراء" بتهرب بيها التمويل الأجنبي
====
1/ الطريقه الرسميه

إسراء بتقدم طلب رسمي للحصول علي التمويل بصفتها عضو في منظمه

وهنا التمويل بيدخل بطريقه رسميه وتحت عين الدوله .. ولكن
الفلوس بتتصرف بفواتير وهميه

مثلا : إسراء تشتري جهاز كمبيوتر ثمنه الأصلي 10 ألاف دولار .. وعلي الورق ثمنه 20 ألف دولار

وبمناسبة تهريب دولارات التمويل الأجنبي فا هحكيلكم قصه :

-إسراء كانت نائب رئيس مجلس الإدارة في "المعهد المصري الديمقراطي" وأحد مؤسسيه وطوال السنين اللي فاتوا من بعد 25 يناير 2011 المعهد كان بياخد تمويل بملايين الدولارات من السويد و قطر


-بعد 30 يونيو وتحديدا ً سنة 2014 حصلت "فضيحه للمعهد المصري الديمقراطي" لما سافر وفد إلي السويد كان من ضمن المُسافرين "قيادات حزب الدستور", و "حزب مصر القويه"


-شتموا هناك في مصر وقالوا عليها دوله عنصريه وبتقمع الإخوان وشكروا في الإرهابيين الكيوت وإتهموا الجيش بالتقصير الأمني وطالبوا الدول الأجنبيه بكل بجاحه .. إنها تتدخل عسكريا في مصر .. وبأكد بكل بجاحه يعني قالوا بالنص كده "عايزين قوات أجنبيه تحمي النشطاء السياسيين"


في نفس اللحظه اللي كان الوفد بيحرض فيها ضد مصر ... الإخوان كانوا بيتظاهروا دعما للمعهد رافعين شعارات "رابعه القذره" مع هتافات "يسقط حكم العسكر" .. يعني كان في تنسيق كامل بين وفد المعهد و تظاهرات الإخوان


ملحوظه : من ضمن العاملين في المعهد قيادات في حزب "مصر القويه" بتاع أبوالفتوح ومحامين حقوقيين شغالين مع كبير مُرتزقه الحقوقيين خالد علي


-الرحله كانت مدفوعه بالكامل وكلهم أخدوا شنطه دولارات حلوه كده في أخر اللقاء


بعد ما تم فضحهم في الجرايد .. إسراء خلعت وقالت "ماليش فيه" أنا هستقيل .. وقدمت إستقالتها من المعهد علشان تتجنب الفضيحه وتحاول تحتوي الأزمه .. لكن طبعاً الإستقاله دي فيسبوكيه .. هو حد برضوا يقدر يسيب سبوبه ملايين التمويل اللي جايه من السويد وقطر .. يا راجل قول كلام غير ده

====
2/ الهداية والمنح


لما دوله أجنبيه تحب تكافئ مرتزقه زي "إسراء عبدالفتاح" بترشحها لجائزه عالميه وتخليها تكسب أو ترحشها لمنحه مجانيه بتاخد فيها "موني بوكت يومي"
الهدايا والمنح بتكون " مبالغ ماليه وسيارات ومعدات وتدخل أرض الوطن بصوره رسميه"

3/ العمل الوهمي
إسراء تسافر لأي دوله أجنبيه بعقد عمل وهمي -لمدة سنه مثلا- وترجع مصر معاها شنطة الفلوس ولما تتسأل "من أين لكي هذا" تقول "من عرق جبيني .. واللي معاه ورق .. يروح يتقدم بيه للمحكمه"

التمويل بييجي منين ؟

معظم التمويل من تركيا وقطر وأمريكا و الإتحاد الأوروبي .. أو من أي دوله عايزه تأثر في صنع القرار المصري

وتقف الدوله المصريه عاجزه تماما عن محاكمت المُرتزقه بسبب وجود مئات الثغرات والطرق اللي ممكن عن طريقها إدخال الأموال بصورة قانونيه

فهمتوا ليه إسراء بكل بجاحه بتقول "اللي معاه ورق يتقدم بيه للمحكمه" .. لأن ببساطه الأوراق اللي بتثبت التمويل هي نفسها اللي هتبرأها

مثال بسيط علي التمويل بالعمل الوهمي : أحمد ماهر كان شغال علي الورق في شركة "ممدوح حمزه" للإستشارات الهندسيه وعمره ما راح الشركه ولا يفهم حاجه في الهندسه . .بس علي الورق .. شغال وبيقبض مرتب علشان لما حد يسأله "من أين لك هذا" .. يقول "من عرق جبيني"

الدول الاجنبيه بتقدر التمويلات إزاي ؟


بناء علي نقط أهمها ( عدد المتابعين علي مواقع التواصل الإجتماعي وقوة التأثير في أرض الواقع وعدد النشطاء اللي بيتحركوا تحت قيادته )

أخيرا : إجمالي التمويلات الأجنبيه التي دخلت مصر لا يمكن حصرها .. لأن في منها ما هو معلن و اللي بيعدي من "من تحت الطرابيزه" .. بس ممكن أقولك أن في بعض المنظمات أخدت علي تمويلات بقيمة 40 مليون جنيه في شهر لمراقبة الإنتخابات و 6 إبريل أخدت علي ملايين الدولارات من قطر تحت مسمي "مشروع مصر ما بعد 25 يناير"

رسالة إلي إسراء .. أصرخي في الفضائيات براحتك .. "جعجعي" وعلي صوتك وقولي اللي معاه ورق روح المحكمه .. وإكدبي الكدبه وصدقيها كمان .. في الأخر "تصديق الوهم مش هيغير من كونك مُرتزقه"
==============


أخيرا في كتاب هنزله قريب جدا .. هكشف فيه ألاف الاسرار اللي كانت بتحصل وهكشف فيه سر صفحة "تحت الأرض" وهيتعمل حلقات فيديو هتبقي قويه جدا

شكراً .. أشوفكم علي خير