بشير التابعي عن مباراة الـ6-1: لو الفار موجود كان خلص 19-1

قال بشير التابعي لاعب فريق كرة القدم الأول بنادي الزمالك السابق، إن لاعبي الأهلي في لقاء “6-1” الشهير، كانوا يمنون النفس بالخسارة أمام الأبيض 2-0.

بشير التابعي: كنا عاوزين الحكم يصرف بأسرع وقت في مباراة الـ 6-1

وأضاف خلال لقائه ببرنامج “أوضة ضلمة” الذي تقدمه الإعلامية إنجي هشام على  قناة “هي”: «لو الفار كان موجود؟ كان الزمالك خسر 19-1، وأنا ولاعبي الزمالك وقتها كنا عاوزين الحكم يصفر بأسرع وقت.

وتابع: قبل اللقاء، لاعيبة الأهلي كانت خايفة مننا، وكانوا عاوزين يخسروا مننا 2-0 بس، لكن اللي حصل عكس كدة، مشيرا: أوتوفيستر مدرب الزمالك وقتها، أخطأ في التشكيل.. تلقيت نقدا لاذعا عقب الخسارة، واتهمت بأنني سبب الخسارة، وأنا أرى غير ذلك.

برنامج "أوضة ضلمة"، تقدمه الإعلامية إنجي هشام على شاشة  قناة "هي" يوميًا خلال شهر رمضان من السبت إلى الخميس، في تمام الثامنة مساءً وتستضيف خلاله عددًا من نجوم الفن والرياضة الذين يتحدثون عن نجاحاتهم ومسيرتهم المميزة.

بشير التابعي يعلن حقيقة طلب زيزو 100 مليون جنيه للتجديد للزمالك 

وقال بشير التابعي خلال لقائه ببرنامج “أوضة ضلمة” على شاشة قناة “هي” الذي تقدمه الإعلامية إنجي هشام: أنا بقول من ضمن المشروع بتاعه عشان الناس تبقى مؤيدة ليه أن يضمنلهم أنه يفضل قاعد، وهو مش عايز يمشي، وزيزو من أول ما لعب في الزمالك محدش سمع له مشكلة، محدش يسمع أنه طلب 100 مليون ومش هيتكسف أنه يقول كده، ومجلس الإدارة عمال يسرب تصريحات لأبو زيزو أنه طلب 100 مليون.

وتابع بشير التابعي: آخر 3 سنين كان اللعيب الوحيد المستوى ثابت وجاله عروض كتيرة من أندية الخليج، هو كان هيعدي أساطير كتير في النادي ف سلموه للجمهور يطلعوه مسرح، شبع تشريح ومحدش طلع رد، مجلس الزمالك يمضي مع لعيب فاشل وبعدها بنص ساعة .

كما رد بشير التابعي على سؤال: هل شيكابالا لسه عنده حاجة يقدمها للزمالك؟، : “كفايه اسم شيكابالا مش عارفة الناس حطاه في دماغهم ليه، هو يعني يلعب ويشتغل عشان أجيب الإهانه لأهله”.

وتحدث بشير التابعي عن مجلس إدارة الزمالك، وقال: مجلس حسين لبيب فاشل، وده اللي في قلبي بقوله، قولي مفشلش في ايه مافيش حاجة مفشلش فيها، في عقود ب700 مليون جنيه ل لاعيبه ومحدش بيلعب".