طاهر محمد طاهر: اللعب في الأهلي هو الروح والشغف.. وأحب مدرسة محمد رمضان في الإدارة
ADVERTISEMENT
تحدث طاهر محمد طاهر لاعب النادي الأهلي، عن سعادته بالتواجد بين صفوف القلعة الحمراء، وذلك خلال لقائه، مع الإعلامي أحمد شوبير، ويستعرض موقع تحيا مصر التفاصيل.
تصريحات طاهر محمد طاهر
قال طاهر محمد طاهر: “اللعب في الأهلي هو الروح والشغف، لازم دايمًا تبقى الأول ودي حاجة بتطلب شخصيات معينة وناس تبقى قادرة تتعامل مع المواقف دي”.
وتابع عبر برنامج حارس الأهلي: “هي ضغوطات ولكنها ضغوطات ايجابية، الضغط السلبي لو مركزين مع السوشيال ميديا، باخد من السوشيال ميديا اللي انا عايزه سواء حلو أو وحش، لو حاجة وحشة بس في مصلحتي هحاول استفاد منها، ولو حاجة حلوة مش هروح وراها أوي”.
وواصل: “في فترات الإشادة كنت ماسك نفسي جدًا وببعد عن الميديا علشان مسمعش كلام ايجابي كتير واحس ان مستوايا هيقل، لا انا عايز اكمل وادوس على نفسي أكتر”.
وأشار: “أصعب وأفضل هدف بالنسبة ليا مع الأهلي هدفي في ماتش الرجاء، بيرسي تاو عمل تمويهة حلوة وصعبة جدًا اي لاعب مكانه كان هيشوطها، وجابلي الكورة وجبتها جول والملعب كان فارق طبعا”.
حديث طاهر عن الجانب الإداري والفني في الأهلي
وذكر طاهر: “كابتن سيد عبد الحفيظ يعني، الالتزام والانضباط، وكابتن خالد بيبو كان بيحذرنا من الاحتكاك مع الجمهور والاهتمام بالسوشيال ميديا”.
وزاد: “أما كابتن محمد رمضان بيتكلم معانا كتير، رغم أنه بقاله مدة مش كبيرة معانا، لكن أنا علي المستوي الشخصي معجب بمدرسته وإدارته جدًا”.
وأكد: “ مفيش حاجة إسمها حب وكره في الكورة، أنا شايف مدرسة بيحب ويكره دي بقت قديمة شوية ومش موجودة، ومن يوم ما روحت الأهلي مشوفتهاش مع أي مدير فني”.
وأتم طاهر حديثه: “المدرب بيلعب اللي من وجهة نظره أنه بيأدي كويس في التمرين، موضوع مدرب بيحب ويكره وبيجامل لاعب وبيساعد لاعب ده كلام فارغ”.
موعد مباراة الأهلي واستاد أبيدجان
من المقرر أن تنطلق مواجهة الأهلي أمام استاد أبيدجان، في تمام السادسة مساء السبت المقبل الموافق 11 من يناير الجاري.
ويسعى النادي الأهلي المنتعش من بعد الفوز على سموحة في لقاء الفريق الأخير بالدوري، لتحقيق الانتصار الثالث له في المجموعة، وذلك كي يعوض خسارته في لقاء الجولة الماضية أمام فريق شباب بلوزداد الجزائري.
جوجل نيوز
تطبيق نبض
