فترة نحس .. خبيرة فلك تحذر من هذه الأمور لمدة 3 شهور

كشفت رحاب منيعم خبيرة علم الفلك أن المريخ حاليا تراجع لبرج السرطان مستمر في تراجع ومتقدم إلى منتصف شهر أبريل وتعد هذه المرة الثانية بعد تواجده من شهر سبتمبر إلى نوفمبر 2024.

وتابعت منيعم عبر حسابها الشخصي على موقع التواصل الاجتماعي فيس بوك ورصده موقع تحيا مصر، «المريخ هو كوكب الحرب والنار وبيحكم الالات الحادة والعمليات الجراحية وبالتالي انتحاسه الفترة الطويلة دي بياثر على الامور دي، مشكلة مريخ السرطان انه بيخلي طاقتنا الجسدية والنفسية اقل بيخلي الناس تهرب من المواجهة وللبعض العكس تماما يحولهم لاشخاص عنيفة لاقل سبب فافضل شئ نعمله كلنا ال3 شهور دول اننا نلم نفسنا، الكلمة اللي ملهاش لازمة اقفل بؤك عليها تجنب تماما استفزاز الاخرين خاصة النساء " الناس بتكون حساسة زيادة عن اللزوم وغضبها مكتوم فممكن ياذوا بطرق غير مباشرة فلو غلطت في حد وسكت اقلق واقلق اوي مؤكد انه ناويلك او بيدبرلك حاجة او اضعف الايمان عمره ماهينسي ولا يعديلك الموقف ده فخليكم مراعين لبعض وضحوا الامور اعتذروا عن الغلط وشوية لطف الله يكرمكم في التعامل».

واضافت ، «طبعا مفيش حاجة اسمها طاقة تاثر ع الكل لا بنفس الدرجة ولا الطريقة ولا حتي كلنا بنبقي تحت تاثيره بس يظل للي مش عارفين خرايطهم الفكية ودول الاكتر انهم ياخدوا بالحذر لـ 3 شهور لا يفضل اجراءات جراحية مش مهمة خاصة التجميل ولا استخدام ليزر والالات حادة انتبهوا تمام من اي مصدر نار او كهربا قريب من مياه او غاز».

توقعات 2025

وكانت أوضحت رحاب منيعم عبر حسابها الشخصي على موقع التواصل الاجتماعي للصور والفيديوهات فيسبوك، ورصده موقع تحيا مصر، «من رحمة وكرم ولطف ربنا بينا انه هيورينا لمحة مصغرة لل9 سنين الجايين في 2025، على المستوي الشخصي والعام لمحات صغيرة للحظوظ وللكوارث الطبيعية  وللامور اللي قادرين نغيرها او نراجع نفسنا فيها  حتي فرص للي ممكن نوصله السنين الجاية وبروفة لاحداث عظيمة هتغير  فكر ومسار البشرية السنين الجاية».