مي كساب مع زوجها ومنة فضالي بأحضان والدتها.. احتفالات النجوم بالعام الجديد

حرص عدد من نجوم الفن على الاحتفال بالعام الجديد على رأسهم الفنانة مي كساب والفنانة منة فضالي والتي ظهروا في العام الجديد رفقة أحبائهم، مهنئين الجمهور والمتابعين بالسنة الجديدة ومعربين عن أمنياتهم هذا العام.

مي كساب تحتفل بالعام الجديد رفقة زوجها أوكا 

ونشرت مي كساب صور جديدة رفقة زوجها مطرب المهرجانات الشعبية أوكا عبر حسابها الرسمي بموقع تبادل الصور والفيديوهات انستجرام، حيث ظهروا معا في منزلهم بجانب شجرة الكريسماس وظهروا معا في مجموعة صور رومانسية معا وفي أحضان بعضهم.

وعلقت مي كساب على تلك الصور، قائلة:  سنة جديدة يارب تكون بدايه سعيده فيها رضا وراحه بال وصحه وستر ورزق وسعاده كل سنه وأنتم طيبين.

منة فضالي رفقة والدتها 

بينما ظهرت الفنانة منة فضالي بأزياء احتفالات الكريسماس والعام الجديد في مجموعة صور نشرتها عبر حسابها الرسمي بموقع تبادل الصور والفيديوهات انستجرام ورصدها موقع تحيا مصر، حيث ظهرت بها رفقة والدتها التي أعلنت عن إصابتها بمرض السرطان، وعلقت عليها، قائلة: عام سعيد عليكم.

وكانت قد تحدثت منة فضالي عن العام المنقضي، قائلة: سنة كان فيها الحلو والوحش برضو بس دايما بقول الحمدلله علي كل حاجه تيجي بس دايما لازم يكون عندنا أمل في الحياه مهما كان اللي بنمر بي دايما نقول يا رب و ربنا كبير ممكن ظروفنا مش شبه بعض وحياه كل شخص غير التاني بس في الاخر كلنا واحد واحنا اللي بنغير و بنختار حياتنا اللي احنا عاوزنها …… اللي عاوزه اقولو من كل ده ان مفيش حاجه حتتغير غيرنا احنا بنموت و بيتولد غيرنا في مجتمع و تفكير تاني غيرنا نحاول نحمد ربنا علي اي حاجه ربنا مديهالنا.

منة فضالي تودع 2024: كانت سنة فيها أوحش حاجة أن أمي جالها سرطان

منة فضالي تودع العام الجديد بهذه الكلمات 

وأضافت: أنا بالنسبالي كانت سنه فيها شغل اه و سفر و حاجات كتير بس كان فيها اوحش حاجه اني امي جالها سرطان و عشت فتره صعبه برغم انها كانت في المستشفي كنت بصور في نفس الوقت و مكنتش بنام يعني في الاخر الحمدلله علي كل شئ، كل سنه وانتم طيبين و سنه سعيده عليكم يا رب و علي كل أحبابكم وكل اللي نفسه في حاجه تتحقق يا رب.

واختتمت: شكرا لكل حد وقف جنبي او ساعدني من بعيد او قريب شكرا لكل الناس اللي اشتغلت معاهم و يا رب دايما اكون عند حسن ظنكم في شغلي، شكرا لجمهوري و الفانز و الإعلاميين و كل الناس اللي بتشجعني دايما.