"اللي بيلعب لنادي كبير زي في دوري المحترفين".. رسالة غامضة من أحمد عيد عبد الملك نجم الزمالك السابق

أكد أحمد عيد عبد الملك نجم نادي الزمالك السابق، أن لايوجد أي فريق بين اللاعب المحلي والذي يلعب في القسم الثاني.

تحيا مصر، وكتب أحمد عيد عبد الملك نجم نادي الزمالك السابق عبر حسابه الرسمي" فيس بوك:" اكتر حاجة أنا متأكد منها، ودايماً بتكلم عليها إن بقي مفيش فروقات كبيرة فالكرة بين اللاعيبين الا من رحم ربي والله اغلب اللاعيبة بقو شبه بعض فروقات بسيطة فالعقليات والالتزام لأن الموهبة قلت بشكل كبير".

وتابع قائلاً:" اللي بيلعب لنادي كبير زي اللي بيلعب في دوري المحترفين أو الدرجة التانية الفرق في المناخ والتلميع علي السوشيال والوكلاء الشاطرين وهوية النادي طبعاً الي بتلعب ليه".

وأختتم قائلاً:"عقليتك والتزامك واقتناع المدرب بيك ممكن يخلوك تروح مكان بعيد فالكرة حتي لو موهبتك ٣٠ ٪ بس فا لو جاتلك حافظ عليها علشان الكرة بقت، وظيفة مهمة دلوقتي فالحياة اللي احنا عايشينها دي".

شوقي غريب

وكان نادي غزل المحلة قد خسر برباعية نظيفة أمام الزمالك في الجولة الماضية، وأعلن أحمد عيد عبد الملك رحيله عن الفريق ورفض استكمال مهمته.

ونشرت الصفحة الرسمية لنادي غزل المحلة على فيس بوك، مقطع فيديو للترحيب بالمدرب الجديد شوقي غريب وكتبت، الكابتن شوقي غريب مديراً فنياً لنادي غزل المحلة.

رحيل أحمد عيد عبد الملك عن تدريب غزل المحلة

وقال أحمد عيد عبد الملك في رسالة عبر فيسبوك، الحمد لله اشتغلت كمدير فني من ٢٠١٩ بعد ما اعتزلت كلاعب في نفس الموسم بداية من نادي جولدي ونجوم المستقبل والشمس وبني عبيد والنجوم ولاڤيبنا واخيراً غزل المحلة بالترتيب كدة.

وتابع أحمد عيد عبد الملك، أولاً الحمد لله مفيش مرة خرجت من التجربة مكنتش راضي عن نفسي وشغلي وتعبي ومجهودي مع الفريق الي بديله ١٠٠٪ مع جهازي المعاون اللي مساعدني.

وأكمل أحمد عيد عبد الملك، كل واحد في دوره طبعاً ومخلصين لأعلي درجة والحمد لله سايبين في كل مكان اشتغلنا فيه بصمة وحتي لو في اختلاف في وجهات النظر مع البعض بيبقي الخروج من المكان بكل احترام.