توقعات الأبراج الأحد 29 ديسمبر .. أعرف حظك اليوم

موقع تحيا مصر بيقدملك حظك اليوم وتوقعات الأبراج على جميع الأصعدة، الصحية والعاطفية والمهنية.
القمر موجود معانا النهاردة الأحد 29 ديسمبر 2024 في برج القوس الناري وده بيدعم الأبراج النارية القوس والحمل والاسد.

توقعات الأبراج وحظك اليوم

تفاصيل توقعات الأبراج وحظك اليوم من موقع تحيا مصر:

برج الحمل
النهارده يومك بالف خير عندك طاقه كبيره للنجاح وللنجاز وحاسس بدافع قوي  يخليك تعمل حاجه على ارض الواقع... ويوم داعم للشغل والدراسه بس اهم حاجه خليك ديمقراطي على قد ما تقدر مع اني مش متاكده من ده..

برج الثور 
النهارده يوم للمحبه والاهتمامات المشتركه بينك وبين الاخرين... يعني لو طلبت اي شيء  من اي حد هيحصل فاستفيد باليوم على قد ما تقدر لان الفتره دي كلها في حاجه جديده هتبدا فيها.... وعندك دعم وتاييد كبير من اللي حواليك وعندك حلول على المستوى المادي كمان..

برج الجوزاء
النهارده انت حاسس بانك متضايق وقلقان متوتر بسبب حاجات كنت حاططها في بالك وما ظبطتش..  في شويه تاخير.. فحاول تقلل كلامك ونقاشاتك مع اي حد حواليك لان مش هيكون له فايده وتجنب المواجهات قدر الامكان..

برج السرطان
النهارده حاسس بالضغط العملي جدا جدا .. محتاج انك تنظم نفسك ويومك على قد ما تقدر وتسيطر على مزاجك المتقلب.. لان ما فيش استقرار في يومك فركز على الحاجات المهمه وابدا بالضروري والاكثر أهمية..

برج الاسد
النهارده يوم امن وبيمشي بطريقه سليمه خاصه في العمل في اطراء في دعم كبير ليك وبتحقق نجاح... وحتى في العلاقات العاطفيه عندك شغف وحماس للحب للعلاقات وللعواطف..  فخلي بالك من الحماس الزائد يا اسد..

برج العذراء
النهارده ممكن يكون في اشخاص وعدوك بحاجه وما اوفوش بيها.. يا اما متحمل مسؤوليات زياده عليك في العمل او في البيت.. وحاسس بالضغط والتوتر الداخلي فخلي بالك من كلامك وتصرفاتك وخليك هادي قدر الإمكان عشان ما تخسرش علاقاتك او مصالحك..

برج الميزان 
النهارده يوم حلو جدا في لم شمل عائلي ... وفي حلول لاي مشكله عائليه مرت عليك الفتره اللي فاتت... وعندك تواصل جيد وقدره على اقناع الاخرين باي شيء... وبتحاول ترتب لامور مستقبليه وبتوصل لنجاح وانجاز لاخر اليوم...

برج العقرب
النهارده يومك مالي بتحسب إيه اللي ليك وايه اللي عليك.. وبترتب وضعك المالي من اول وجديد فحاول تكون اكتر توازن في مصاريفك.. لان الفتره دي اللي خارج اكتر من اللي داخل..

برج القوس 
النهارده مازال القمر عندك ومزاجك افضل من الفتره اللي فاتت معنوياتك مرتفعه عندك ثقه كبيره بنفسك واي حاجه بتفكر فيها هتحصل عليها ومتفائل النهارده ...ممكن تسمع خبر حلو وتفرح من قلبك بسبب اتصال او بتقابل اشخاص هيكون ليهم دور مهم في مستقبلك.

برج الجدي 
النهارده حاسس بالكابه بس ما لهاش لازمه ما فيش داعي كله بيعدي.. حاول تحارب اي ذكرى سيئه بتيجي في بالك وبلاش تركز على اي حاجه بتسبب لك اي ازعاج حاسس انك ميال للوحده ولا العزله.. النهارده بلاش تدي اي رد فعل او اي قرار مهم من بكره القمر هيدخل برجك واعمل اللي انت عاوزه..

برج الدلو 
 النهارده يوم للصداقات والعلاقات الجديده والداعمه.. وفي ناس جديده هتتعرف عليهم ممكن يبقوا من جنسيات وثقافات مختلفه... ممكن عن طريق السفر او العمل... ومنفتح على العلاقات الجديده اللي هتدخل حياتك وكمان في اعاده تواصل مع ناس انقطع التواصل بينك وبينهم من فتره...

برج الحوت 
النهارده انت عندك حساسيه زياده عن اللزوم حاول تكون عقلاني على قد ما تقدر سواء مع العيله مع الاصدقاء في الشغل في البيت.. لقينا الفتره دي انت عاطفيا مش مرتاح وميال للعزلة اكتر.. من بكره امورك هتكون افضل بكثير.