تعبان جدا .. تطورات الحالة الصحية لإبراهيم شيكا ناشئ نادي الزمالك

تصدر إبراهيم الجمال الشهير بإبراهيم شيكا أحد ناشئي نادي الزمالك الترند بعد ظهوره في فيديو عبر حسابه الشخصي على موقع التواصل الاجتماعي للصور والفيديوهات تيك توك يتحدث فيه عن مرضه، قائلًا: «أنا بعمل الفيديو ده وأنا تعبان جدًا ومكنتش قادر أتكلم خالص، حتى العملية اللي كنت مفروض أعملها عشان تريحني اللي هي تحويل المسار قالولي غلط عليك بنسبة 70% عشان انتشار المرض اللي في جسمك، أنا لا بنام ولا باكل، ولا بشرب كويس وعمال أرجّع، وبطني منفوخة بسبب الانسداد، وبمر بظروف صعبة جدًا ربنا يهونها عليا، أنا مبقتش أقدر أتكلم كتير غصب عني لكن ناس كتير طلعت عليا إشاعات إن أنا توفيت، لكن الأعمار بيد الله».

يشبه الإنفلونزا .. مرض غامض يثير القلق في الكونغو

مرض غامض يصيب نجل عمرو وهبة .. كورونا كلمة السر

الحالة الصحية لابراهيم شيكا 

وأضاف إبراهيم شيكا حسب ما رصد موقع تحيا مصر: «أنا باخد كمية مسكنات مش طبيعية عشان نفسي أرتاح، وعندي مغص ومبقدرش أدخل الحمام بسبب الورم اللي في المستقيم وعندي حاجات كتير أوي بعاني منها، وكنت مستني أعمل عملية تحويل مسار عشان على الأقل أعمل حمام من جنبي لكن قالولي مش هينفع دلوقتي، فلازم أخلص مرحلة الكيماوي وأعمل إشاعة وبعدين أستنى أشوف هعمل إيه، أنا نفسي كل الناس تدعيلي من القلب».

كما ظهرت زوجته هبة التركي في عدة مقاطع نشرتها عبر حسابها على منصة تيك توك، تتحدث عن مرض زوجها، قائلة: «شيكا تعبان أوي ومبينامش من الوجع، ممنوع من الأكل والحركة ووضعه سيئ جدًا، أهم حاجة محدش يكون شايل في قلبه حاجة لشيكا عشان هو طيب أوي، وادعوا له ربنا يكرمه ويقوم بالسلامة، وعلى الأقل الفترة دي يكون مرتاح وينام مرتاح وياكل طبيعي ويتعايش زي أي حد».

سرطان المستقيم

سرطان المستقيم هو عادة سرطان بطيء النمو يتكون على البطانة الداخلية للمستقيم. المستقيم هو آخر عدة بوصات من الأمعاء الغليظة. تبدأ معظم سرطانات المستقيم كتكتلات من الخلايا غير الطبيعية (السلائل) المعروفة باسم الأورام الغدية، قد يستغرق الأمر من 10 إلى 15 عامًا حتى يتحول السليلة إلى ورم سرطاني في المستقيم.

وغالبًا ما تكشف فحوصات السرطان مثل تنظير القولون عن أورام حميدة يمكن أن تتحول إلى سرطان، تقلل الفحوصات المنتظمة للكشف عن الأورام الحميدة وإزالتها من خطر الإصابة بسرطان المستقيم، إذا كنت مصابًا بسرطان المستقيم، فقد تؤدي الجراحة لإزالة الأورام السرطانية الصغيرة إلى علاج الحالة.

سرطان المستقيم هو ثالث أكثر أنواع السرطان شيوعًا في الجهاز الهضمي، بعد سرطان القولون وسرطان البنكرياس . ويقدر الخبراء أن 46200 شخص سيتلقون تشخيصًا بسرطان المستقيم في عام 2024.