شوقي غريب: هنرجع ستاد غزل المحلة ملعب الرعب زي زمان.. ومستحيل أملي شروط على النادي اللي رباني
ADVERTISEMENT
أعلن نادي غزل المحلة تعيين شوقي غريب مدربا للفريق في الفترة المقبلة، خلفا لأحمد عيد عبد الملك والذي قدم استقالته بعد الخسارة أمام الزمالك، ويستعرض موقع تحيا مصر أبرز ما جاء على لسان شوقي غريب.
تصريحات شوقي غريب
قال شوقي غريب: “دخلت استاد غزل المحلة، ومكنتش أتوقع خالص الشكل اللي بقي فيه، قعدت عمري كله كان نفسي أوضة اللبس وحاجات كتير فالاستاد تتغير”.
وتابع المدير الفني الجديد لنادي غزل المحلة: “نفسي الجمهور يرجع يملي الاستاد تاني، أنا مستني جمهور المحلة يرجع يخلي الاستاد ده ملعب الرعب زي ما كان”.
وواصل: أنا مكنتش بعيد عن المحلة، أنا اتعلمت التدريب هنا فالمحلة ومكنتش بحب أفرض نفسي عالناس، في السنوات الماضية".
وأتم شوقي غريب حديثه: “بشكر وليد خليل أنه إداني الفرصة دي، تليفون واحد خلص كل حاجة ومتكلمناش فالكورة خمس دقايق، مينفعش أملي طلباتي عالنادي اللي رباني”.
رحيل أحمد عيد وتعيين شوقي غريب مدربا لغزل المحلة
وكان نادي غزل المحلة قد خسر برباعية نظيفة أمام الزمالك في الجولة الماضية، وأعلن أحمد عيد عبد الملك رحيله عن الفريق ورفض استكمال مهمته.
ونشرت الصفحة الرسمية لنادي غزل المحلة على فيس بوك، مقطع فيديو للترحيب بالمدرب الجديد شوقي غريب وكتبت، الكابتن شوقي غريب مديراً فنياً لنادي غزل المحلة.
ترتيب نادي غزل المحلة
ويتواجد غزل المحلة في الفترة الحالية في المركز الثالث عشر بجدول ترتيب الدوري المصري الممتاز برصيد 4 نقاط، وفاز الفريق في مباراة وتعادل في مثلها وخسر مبارتين.
تصريحات أحمد عيد عبد الملك عقب استقالته
وقال أحمد عيد عبد الملك في رسالة عبر فيسبوك، الحمد لله اشتغلت كمدير فني من ٢٠١٩ بعد ما اعتزلت كلاعب في نفس الموسم بداية من نادي جولدي ونجوم المستقبل والشمس وبني عبيد والنجوم ولاڤيبنا واخيراً غزل المحلة بالترتيب كدة.
وتابع أحمد عيد عبد الملك، أولاً الحمد لله مفيش مرة خرجت من التجربة مكنتش راضي عن نفسي وشغلي وتعبي ومجهودي مع الفريق الي بديله ١٠٠٪ مع جهازي المعاون اللي مساعدني.
وأكمل أحمد عيد عبد الملك، كل واحد في دوره طبعاً ومخلصين لأعلي درجة والحمد لله سايبين في كل مكان اشتغلنا فيه بصمة وحتي لو في اختلاف في وجهات النظر مع البعض بيبقي الخروج من المكان بكل احترام.
جوجل نيوز
تطبيق نبض
