البلوجر والعاملين في الميديا .. خبيرة فلك تحذر من هذا الأمر

كشف رحاب منيعم خبيرة علم الفلك، أن القمر حاليا في برج الدلو لمدة يومين ونصف مقترن ببلوتو ومعارضة المريخ بنحس برغبة اكتر في التواصل مع الأصحاب ويمكن التواصل مع اصدقاء بالصدفة او متواصلتوش من فترة.

وتابعت عبر حسابها الشخصي على موقع التواصل الاجتماعي فيس بوك والذي رصده موقع تحيا مصر، «بيزيد احساسنا بالرغبة في التمرد والاحساس بالحرية بس انتبهوا علشان المريخ قصاد حريتكم وممكن تتعرضوا لمشاكل بسبب ده وخاصة مع الاصدقاء او ع السوشيال ميديا وممكن نسمع عن تعرض بلوجر او شخص مشهور على. الانترنت لمشكلة او حادث، يوم مناسب تنشطوا حسابتكم على لسوشيال ميديا للانتشار او تعيدوا فتح حساب مغلق او تستعيدوا حساب لكن مش مناسب لفتح حساب جديد»

واضافت، وارد نسمع عن مظاهرات او اعمال عنف باحد الدول وبيزيد حدة التوتر في الاماكن المسلحة وبيزيد استهداف الاعلاميين او العاميلين بالميديا خاصة النهاردة من بكرة بيزيد شوية نشاط الزلازل او انهيارات منازل او ابنية لاسباب مختلفة».

القمر في برج الميزان

قالت رحاب منيعم خبيرة علم الفلك أن القمر لمدة يومين ونصف في برج الميزان واتصالاته جيدة بعطارد والشمس و المشتري وسلبية بالزهرة.

وتابعت خبيرة علم الفلك عبر حسابها الشخصي على موقع التواصل الاجتماعي فيسبوك، والذي رصده موقع تحيا مصر، «بنميل خلال اليومين للتفاوض وحل المشاكل وديا ويومين مناسبين للصلح بين المتخاصمين ان كان ممكن يبقي فيها شوية عند ومكابرة، على المستوي الدولي برضه بنسمع خلال اليومين عن تحسن فرص التفاوض والهدنة في اماكن الصراعات».

وأضافت، «يومين مناسبين لاجراءات التجميل، ممكن نسمع عن صفقات تتعلق بلاعيبين رياضيين أو كلام عن تنظيم أو تاسيس منافسات رياضية او مسابقات امور تتعلق بالاطفال او التعليم او الاعلام، مرضي الكلي ينتبهوا خلال اليومين ويشربوا مية كتير لان شاكل الكلي والمثانة بتزيد شوية خلال اليومين».

تراجع عطارد

واوضحت، «خلال ساعات هيبدا تراجع عطارد مع اجواء #برج الميزان هتتفاجؤوا بعودة اتصالات وتواصل بينكم وبين ناس اختفوا من فترة  وعلى المستوي العام هنسمع عن عودة مشاهير منفصلين لبعض ».

التعامل مع كائنات فضائية 

وكانت أثارت رحاب منيعم خبيرة علم الفلك جدلا واسعا خلال الساعات الماضية بعد نشر توقعات صادمة عن الفترة المقبلة.

وقالت رحاب منيعم، عبر حسابها الشخصي على موقع التواصل الاجتماعي فيس بوك والذي رصدها موقع تحيا مصر، «مع بلوتو الدلو وخلال السنوات القريبة الجاية هيحصل اول تواصل معلن وحط تحت معلن 100 خط  بين البشر والكائنات الفضائية وهتكتشفوا انهم بينا من زماان اوي وان كل افلام الخيال العلمي اللي بتتفرجوا عليها من سنين مكنتش خيال اوي».