استراحة محاربين: أول تعليق من أحمد عيد عبد الملك بعيد رحيله عن تدريب غزل المحلة

تحدث أحمد عيد عبد الملك مدرب غزل المحلة السابق، عن رحيله عن زعيم الفلاحين بعد الخسارة أمام الزمالك برباعية نظيفة في الدوري المصري الممتاز، وأن الفترة المقبلة ستكون استراحة محارب قبل العودة من جديد، ويستعرض موقع تحيا مصر تصريحات أحمد عيد عبد الملك.

تصريحات أحمد عيد عبد الملك

وقال أحمد عيد عبد الملك في رسالة عبر فيسبوك، الحمد لله اشتغلت كمدير فني من ٢٠١٩ بعد ما اعتزلت كلاعب في نفس الموسم بداية من نادي جولدي ونجوم المستقبل والشمس وبني عبيد والنجوم ولاڤيبنا واخيراً غزل المحلة بالترتيب كدة.

وتابع أحمد عيد عبد الملك، أولاً الحمد لله مفيش مرة خرجت من التجربة مكنتش راضي عن نفسي وشغلي وتعبي ومجهودي مع الفريق الي بديله ١٠٠٪ مع جهازي المعاون اللي مساعدني.

وأكمل أحمد عيد عبد الملك، كل واحد في دوره طبعاً ومخلصين لأعلي درجة والحمد لله سايبين في كل مكان اشتغلنا فيه بصمة وحتي لو في اختلاف في وجهات النظر مع البعض بيبقي الخروج من المكان بكل احترام.

أحمد عيد عبد الملك

وزاد أحمد عيد عبد الملك، ثانياً الي طلعت بيه من كل ده في ٥ سنين ان التواصل مع لاعيبتي الي دربتهم ممكن يوصل ل ٩٠ ٪؜ ان مكانش ١٠٠ ٪ وكمان اللي مكانوش بيلعبو بشكل أساسي أو اللي مبيلعبوش خالص معايا في المباريات دول يمكن أكتر الناس اللي عندي تواصل معاهم بالاضافة للمسؤولين في كل الاندية بتجمعني بيهم علاقة طيبة.

وأشار أحمد عيد عبد الملك في رسالته، دي حاجة والله بفتخر بيها جداً في شغلي وبتسببلي سعادة كبيرة جداً اكتر من اي حاجة تانية اني افضل متواصل مع الكل والحب والسيرة الطيبة دايماً موجودة بينا ..

واختتم أحمد عيد عبد الملك رسالته، شكراً لأي حد بيدعمنا وبيقول في حقنا كلام كويس وحاسس بتعبنا، استراحة محاربين ولنا عودة قريباً جداً ان شاء الله.