زي ابني.. ويجز يحذف منشور سخريته من رامي صبري

حذف مطرب الراب ويجز منشور سخريته من المطرب رامي صبري بعد أن بادر الشاعر تامر حسين بالصلح بينهما، وذلك عبر حسابه الشخصي على موقع التواصل الاجتماعي فيسبوك.

تامر حسين يبادر بالصلح بين ويجز ورامي صبري

وكتب تامر حسين في منشوره الذي يرصده موقع تحيا مصر: شهادتى فيك مجروحه أنت صوت عبقرى مش محتاج رأيى وخطواتك ماشاء الله لطريق النجاح بتكبر وتزيد وكل سنه عندك هيت ناجح ومكسر الدنيا ولسه شايف ترتيب أنغامى أنت رقم ٢ فالإستماع بعد الهضبه البوم مكانك وفى الصدارة تصريح مش موفق مِن ويجز رغم انى شفت له أكتر من لقاء كان راجل مُثقف ومُهذب جايز يكون واخد على خاطره ُ أو فِهم كلامك غلط انما الأرقام اللى قالها مش أرقامك ولا الطريقة مُناسبه وإنت الكبير ياروما ويجز لو يعرف إنت اول واحد باعتلى أغنية البخت وبتقولى الراجل ده عنده حاجه مختلفة  مكنش هيزعل كده دى شهادة حق والله.

ويجز يسخر من رامي صبري

ومن جانبه، أعاد ويجز نشر منشور تامر حسين، وكتب: حصل خير يا جماعة رامي صبري زي ابني بالظبط وهو شطور وقمور ومجتهد بس أنا في اللقاء كنت حاسه كدا بيجامل من ورا قلبه عشان الجمهور ميغلطهوش وفرق أجيال بقى مش بفهم منه حاجة خالص فتلاقيني مخدتش بالي.

رامي صبري ردًا على تصريحات ويجز: أنا رقم 2 على أنغامي

قبل ويجز.. أزمات متتالية لـ رامي صبري مع المطربين

أصل الخلاف بين ويجز ورامي صبري

بدأ الخلاف بين ويجز ورامي صبري عندما صرح الأخير في أحد اللقاءات التلفزيونية بأنه لا يفهم كلامه ويجز، فخرج ويجز للرد عليه في مقطع فيديو وقال: هتكلم على فنان فاكر انه عنده الصلاحية انه يطلع يتكلم عن اى حد فى اى وقت والناس تسمع وتسكت .. الفنان دا اسمه رامي والفنان دا كل ما بيقعد من ٤ لـ ٥ شهور يزهق ويطلع يتكلم على بتوع الراب فى التليفزيون، هتكلم امتي على بتوع البوب اللى انت منهم واللى فى مجالك انا شايف مبتفهمش فى الراب حاجة زى ما انت قولت قبل كدة ومش هتعرف تعمله وانت كدة مبتقدرش الفنانين وفاكر أن هما عايزين يوصلولك  وهما اصلا معدينك بكتير انت رقم ١٩ يا رامي انت بعيد اوي.