لبلبة: مريت بموقف صعب قعدت فيه 15 يوم مش بتكلم وهذه وصية أمي لي

تحدثت الفنانة لبلبة عن أصعب المواقف التي مرت عليها في طفولتها، مشيرة إلى أنها لم تنساه طوال حياتها وعاشت لحظات رعب وخوف شديد من أن تفقد صوتها والذي كان مصدر رزقها وموهبتها في ذلك الوقت.

لبلبة تكشف عن أصعب المواقف التي مرت بها 

وقالت لبلبة في لقاءها مع الإعلامي أنس بوخش خلال برنامج Abtalks المذاع على قناته الرسمية بموقع الفيديوهات يوتيوب: كنت مشاركة في حفلة هيحضرها الرئيس جمال عبد الناصر وكان معايا عبد الحليم وحفلة كبيرة جدا ومامتي كل شوية توصيني عليها وتقولي أصلها هتتذاع في التليفزيون وعايزة كله ينبهر بيكي وأما طلعت على المسرح حييته وجيت أغني مطلعش صوتي واقول للمزيكا عيدوا مفيش صوت، من كتر ربكتي منطقتش وقفلوا الستارة وقعدت اعيط وقالوا حصلها كرامب والحدث كان مؤلم جدا وقعدت 15 يوم مش بتكلم وكنت خايفة أفقد صوتي.

لبلبة تتحدث عن والدتها 

وتطرقت لبلبة في حديثها الذي رصده موقع تحيا مصر عن والدتها، قائلة: كنت بحس انها بنتي براعيها وبأكلها وبحبها كنت بخاف منها، كانت شديدة وكان كل مصروفي بيروح ليها وقت مرضها، وهي في مرة قالتلي انتي بتشتغلي عشان اخواتك يروحوا المدرسة ويتعلموا نعدي الأزمة دي فاتعلمت اني عمري ما أبص لحد ولا استفيد بأي حاجة لوحدي.

وعن وصيتها لها قبل وفاتها: قالتلي لو مت متعشيش في البيت ده ومتقدميش تنازلات في الفن احترمي المشوار بتاعك انتي مش قليلة واوعي تعملي أدوار صغيرة، ولكن أنا مسبتش البيت لحد دلوقتي لسة ساكنة في شقتي الصغيرة في التحرير بالقاهرة ومحتفظة بكل حاجة هي سابتها حتى عفش الشقة القديم، وصورتي اللي هي كانت حطهالي وكله بيقولي أمشي بس أنا حساها معايا فيها.

لبلبة: معشتش طفولتلي وفي حاجات اتحرمت إني اعملها ومش هعرف أرجعها

لبلبة تتحدث عن حسين فهمي: مفيش اتنين زيه.. وكلنا بنحبه

لبلبة ومعاناتها مع الوحدة 

وكشفت لبلبة ضريبة الشهرة التي دفعتها، فقالت: كلمة فن والإخلاص للفن بيتكتب بعدها الاحساس بالوحدة عشان كدة بنزل الشارع عشان الجمهور يتلم عليا دول اللي عملوني هما النفس اللي بتنفسه.

وتابعت: معرفش ازاي هبعد عن الفن والحمدلله أن ربنا رايد أن اشتغل وادي سعادة للناس، وفي حاجات الناس مشفتهاش مني عايزاه تشوفها قبل ما أعجز واتنيل على عيني.