توقعات الأبراج الإثنين 18 نوفمبر .. أعرف حظك اليوم

موقع تحيا مصر بيقدملك حظك اليوم وتوقعات الأبراج على جميع الأصعدة، الصحية والعاطفية والمهنية.
القمر موجود معانا النهاردة الإثنين 18 نوفمبر 2024 في برج السرطان المائي وده بيدعم الأبراج المائية السرطان والحوت والعقرب

 توقعات الأبراج وحظك اليوم

تفاصيل توقعات الأبراج وحظك اليوم من موقع تحيا مصر:

برج الحمل
النهاردة يومك شوية متوتر ومشحون.. خاصة أمورك العائلية معرضة للإرباك او في مسؤوليات كتير بتخص أفراد العيلة او محيطك المقرب منك.. ع العموم حاول تكون رايق وبلاش انفعال وتعمل مسؤولياتك برضا وطيب خاطر

برج الثور 
النهاردة يوم ناجح وداعم ليك.. رغم انك مشغول بتلاحق أخبار وبتبحث عن حلول في امور عائليه شاغله بالك او مواضيع بيع او شراء بس بتقدر توصل لنتائج مرضية وأخبار مفيدة ليك.. وفي عندك تواصل ونشاط وحركة وناس بتساعدك

برج الجوزاء
النهاردة في خبر حلو هو تطور مالي مهم ليك الفترة الجاية.. ومتوقع أن من النهاردة لبكره في بعض مكاسب المالية وأرباح.. بس خلي بالك من الإصراف الزائد .. ورتب وضعك المالي عشان ميكونش في فوضى في المصاريف

برج السرطان
النهارده أنت ملك الأبراج القمر عندك في برج السرطان والشمس في برج العقرب صديقك يعني مفيش أحلى من كده... يوم داعم جدا وبتحط النقط على الحروف في اي حاجة وبتحضر لقرارات وخطوات وبدايات جديدة الفترة الجاية وحقيقية كمان على أرض الواقع وهتنفذها..

برج الاسد
النهاردة ممكن يجيلك إتصال من الماضي او الماضي بيزورك سواء بمشاعر بذكريات وبتعيد النظر في كل أحوالك.. مزاجك متراجع وحاسس بالسلبية لحد ما.. بس هو يوم عابر بلاش التفكير والندم ع الماضي يأثر عليك لان المستقبل أفضل أكيد..

برج العذراء
النهارده يوم من الأيام الحلوة الداعمة ليك في أفاق جديدة سواء فكريا او على أرض الواقع في فرص في عروض مواضيع بتخص سفر بيخطر في بالك وبتتحمل مسؤوليات جديده ومهام اضافية بس بتكلل بالنجاح

برج الميزان 
النهاردة حاول تكون علي الحياد .. اليوم غير مناسب لاستعراض القوة بأي شكل من الأشكال خاصة مع أصحاب القرار والنفوذ في محيطك.. او اي حد في مصالح مشتركة بينكم .. او رئيسك في العمل فحاول تكون هادي ورايق ودبلوماسي ع قد ما تقدر عشان مصلحتك

برج العقرب
النهاردة انت مضيء ومتألق ورابح جدااا خاصة لو دخلت اي نقاش.. في حل لأي أمر تاعبك سواء بيع شراء نقاش في تحضيرات وترتيبات عندك وبدايات جديدة وأمور ليها علاقة بأمور خارجية بتفتح باب ليك للمستقبل لأن تفكيرك بيتعدى الحاضر..

برج القوس 
النهاردة يومك جيد وافضل من اليومين إلي فاتوا.. وانت ع أعتاب إنك تلاقي بعض الحلول لمشاكلك.. وبتحضر لحاجة جديدة وعاوز تسمع رأي الآخرين فيها.. سواء بحاجه قانونية او بيع او شراء أستشير أصحاب الخبرة لأنهم أكيد هيفيدوك..

برج الجدي 
النهاردة حاول تختصر كتير من الحوارات والنقاشات الساخنة لانك انت بينك وبين نفسك بتحسم بعض الأوضاع او بتاخد قرارات حاسمة ومهمة .. فخليك هادي ومتعرضش علاقاتك للتوتر والمواقف الحساسة خاصة علاقاتك الأساسية والمقربة

برج الدلو 
 النهاردة حاول لا تتجاوز الماضي وبلاش تهمل أي حاجة مطلوبة منك .. لأن عندك مسؤوليات والتزامات كثير حاول تكون مركز ومنظم لأن الوقت مش بيخدمك لأنك مضغوط ومزاجك مش في أفضل حال.. فا اهتم بصحتك وبنظامك الغذائي ع قد ما تقدر..

برج الحوت 
النهارده يوم حلو جدا لا تتردد في اي طلب عاوز تطلبه من اي حد النهارده لان الاخرين جاهزين للمساعدة في أي وقت في تعامل مفيد ومثمر من المحي حيثط.. وقادر على جذب واستقطاب الآخرين عشان يساعدوك ويأيدوك..