توقعات الأبراج اليوم السبت 16 نوفمبر.. اعرف حظك اليوم

موقع تحيا مصر بيقدملك حظك اليوم وتوقعات الأبراج على جميع الأصعدة، الصحية والعاطفية والمهنية.
القمر موجود معانا النهاردة السبت 16 نوفمبر 2024 في برج الجوزاء الهوائي وده بيدعم الأبراج الهوائية الجوزاء والدلو والميزان.

توقعات الأبراج وحظك اليوم

تفاصيل توقعات الأبراج وحظك اليوم من موقع تحيا مصر:

برج الحمل
النهاردة حاول تستغل يومك بالذات في أي أمور بتخص الفلوس مع صديق أو أخ أو جار وفي إتصالات ولقاءات كثير وفي أمور بيع أو شراء سيارة أو موبايل أو أي حاجة إلكترونية والبعض منكم ممكن يسافر وعندك أجواء عاطفية لطيفة وحضور وقدرة على الجذب والتأثير في الأخرين

برج الثور 
النهاردة يومك مالي خلي بالك من طريقة صرفك للفلوس وكمان خلي بالك من وزنك الزائد لأن أنت شهيتك مفتوحة على الأكل والنوم والانتخة وبس.. وحاول ترتب وضعك المالي وتعرف ايه اللي ليك وايه اللي عليك وحاسس انك محتاج لاستقرار عاطفي أكثر فحاول تتصرف بهدوء لأنها فترة حلوة عليك.

برج الجوزاء
النهارده القمر عندك فاستغل يومك على قد ما تقدر رتب يومك خلص كل الشغل اللي وراك أول بأول أهتم بصحتك ألعب رياضة و أبدا بنظام غذائي مناسب.. وفي اليوم جاذبية عندك عالية ونظرات إعجاب وأجواء عاطفية لطيفة وإعادة السيطرة على كل أمور حياتك إن شاء الله..

برج السرطان
النهارده يوم بطيء لحد ما متضايق من الأمور إلي بتتأجل .. مشغول بالك على حد من عيلتك او ابنك او اخ صغير ليك فبلاش تتسرع النهارده باي قرار ولا تثق بالاخرين وخلي بالك على عيلتك.. و في حب في الأجواء بس خبي علاقتك عن الناس لو عايزها تستمر..

برج الاسد
النهارده من الأيام المميزة في ناس كتير حواليك وأجواء إجتماعية وأهل وأصدقاء وزيارات وعزائم لناس غالية على قلبك وسهرات وممكن أمنية عندك تتحقق إن شاء الله وفي حضور قوي فأستغلوا بأجواء عاطفية وحب بينك وبين الحبيب.

برج العذراء
النهارده يومك مهم بتتواصل مع ناس مشهورة أو مسؤولين عنك او قصص على السوشيال ميديا او حتى موضوع بيخص اخ كبير او اب فحاول تبقى هادي على قد ما تقدر خاصه بالامور اللي بتخص البيت والعيلة .. والعيون كلها عليك وفي علاقات وإعجاب وناس مشهورة ممكن تكلمك وتتواصل معاك النهاردة

برج الميزان 
النهارده ممكن يجيلك حوالة مالية من مكان بعيد عن طريق سفر أو مساعدة أو بتستفيد من علاقاتك ومعارفك وفي تحرر وبتحس إنك مرتاح أكثر من الأول وفي أجواء حب ورومانسية بس لازم تعرف تتصرف صح وفي شخص بيتقرب منك أو أنت اللي بتتقرب منه..

برج العقرب
النهارده بتدور على حلول لأمور قانونية وأوراق وبتحصل عليها ...وفي مصالحات ومكاسب مالية وبتحس إنك مرتاح لحد ما أو موضوع ميراث شاغلك أو مرض تاعبك وفي رومانسية وتحسن كبير بالعاطفة عن الأول .

برج القوس 
النهاردة أنت بتضايق من أقل كلمة وحاسس بالتوتر حاول تكون هادي خاصة مع المقربين ليك وفي موضوع إنساني شاغلك وخلي بالك من أي مشكلة أو مواجهة مع أي حد بسبب أنك متعصب ومتوتر لانك مش ناقص يا قوس

برج الجدي 
النهاردة يومك مشغول ومضغوط وفي أمور بتجهزلها أو مناسبة أو في ورشة عمل وعزومة مع أصدقائك أو زملائك في الشغل وبتشوف ناس بعد غياب طويل وخلي بالك على صحتك لانك حاسس بالتعب والارهاق ..ورغم إنك جذاب وشكلك حلو بس محتاج إهتمام الشريك بيك..

برج الدلو 
 النهارده في فرص ومكاسب مالية وموضوع بيخص اخ صغير او ابن او طفل شغلاك و الحظوظ النهارده حلوة وداعمه ليك وبتشوف ناس غالية على قلبك وبتحل مشاكل البيت وفي تحسن عاطفي وأوقات حلوة ورومانسية وممكن هديه من الشريك .

برج الحوت 
النهارده ممكن البعض منكم يسافر أو ينتقل من مكان لمكان أو بتزور أشخاص وتغيير كبير في حياتك وشكلك بس حاسس أن وضع البيت مش مستقر ومتضايق شوية ومش راضي ولا رايق حاول تستقر عائليا وعاطفيا يا حوت عشان ترتاح

انت كمان شاركنا وقولنا في التعليقات انت برج ايه؟؟؟ وعايز تعرف ايه عن برجك ؟؟؟