أحمد عز يروي موقف مؤثر بعد تسلمه جائزة فاتن حمامة في مهرجان القاهرة السينمائي.. وتفاصيل دخوله الفن

قام مهرجان القاهرة السينمائي الدولي الدورة الـ 45 بـ تكريم الفنان أحمد عز عن مشواره الفني الطويل وتسلمه جائزة فاتن حمامة للتميز وذلك عن تميزه في السينما وأعماله المتنوعة والمتميزة، وتحدث أحمد عز على هامش تكريمه عن بداياته الفنية وروى موقف مؤثر عن حياته نرصده في السطور التالية. 

أحمد عز يروي موقف مؤثر بعد تسلمه جائزة فاتن حمامة في مهرجان القاهرة السينمائي.. وتفاصيل دخوله الفن  

تحدث الفنان أحمد عز بعد حصاده جائزة فاتن حمامة للتميز أثناء افتتاح مهرجان القاهرة السينمائي الدولي الدورة الـ 45 عن بداياته في الفن، وكشف أحمد عز عن موقف مؤثر له يربطه بمهرجان القاهرة السينمائي منذ بداياته في الفن منذ حوالي 20 عام، وقال أحمد عز في حديثه الذي يرصده موقع تحيا مصر: “من حوالي 20 سنة خيروني أكمل في شغلي ولا أعمل بطولة أول فيلم وعلى عدم رغبة أمي وأبويا ابتديت أصور نص التصوير، وجه مهرجان القاهرة وكان نفسي احضر والدعوة تجيلي على البيت مش لسبب غير عشان أقولهم إني اخترت صح”.

وتابع أحمد عز حديثه: “المهم الدعوة مجتش، وفضلت مستني لحد ما جه يوم المهرجان الصبح وروحت لإدارة المهرجان وقولتلهم ازاي الدعوة متجليش وادوهالي، و كنت عايز ابقى أبيض واحد على الريد كاربت من النضافة على أساس إني هتصور وحطيت إيدي في جيبي وعملت نفسي متقن في الفن عديت على أول كاميرا والتانية ومحدش عرفني قولت مش مشكلة كان نفسي ابقى قاعد في النص وسط النجوم عشان ابان في الكاميرا، قالولي حضرتك مكانك فوق مش هنا.. أمي دعتلي لما لقتني زعلان وقالتلي ربنا ينولك مرادك”.

أحمد عز: فخور بالجائزة لكن للأسف جت بعد فراق أبويا وأمي 

واستكمل أحمد عز معربًا عن فرخه وسعادته بهذه الجائزة ولكن تذكر والده ووالده وأكد على فخرهم به وأنه كان يتمنى وجودهم في هذه اللحظة، قائلًا: “تلف الأيام و أقف انهاردة على مسرح الأوبرا العريق و أخذ جائزة اسم صاحبتها لوحده جائزة واللي بيكرمني معالي وزير الثقافة ونجم النجوم الأستاذ حسين فهمي، بس للأسف كل ده جه وهما ابويا وامي مش موجودين وأنا متأكد إنهم لو كانوا موجودين كانوا هيبقوا فخورين بيا.. وأنا بعتبر الجائزة العظيمة دي هي حافز للجاي أنا بالنسبالي لسه معملتش حاجه خالص”.

حسين فهمي يكرم النجوم الراحلين في مهرجان القاهرة السينمائى الدورة الـ 45

منة شلبي عن تكريم أحمد عز ويسري نصر الله في افتتاح مهرجان القاهرة: تكريمات مستحقة

تكريم أحمد عز في مهرجان القاهرة السينمائي الدولي الدورة الـ 45 

وشهد اليوم افتتاح مهرجان القاهرة السينمائي الدولي الدورة الـ 45 تكريم الفنان أحمد عز عن مجمل أعماله والمخرج الكبير يسري نصر الله فضلًا عن الكشف عن فعاليات المهرجان ولجان تحكيم الأفلام المشتركة في مسابقات المهرجان كما تم تكريم عدد من النجوم الراحلين عن عالمنا وسط تأثر الحضور، وذلك بحضور عدد كبير من نجوم الفن والإعلام والمشاهير.