حظك اليوم وتوقعات الأبراج الأربعاء 13 نوفمبر

موقع تحيا مصر بيقدملك حظك اليوم وتوقعات الأبراج على جميع الأصعدة، الصحية والعاطفية والمهنية.

توقعات الأبراج وحظك اليوم

القمر موجود معانا النهاردة الأربعاء 13 نوفمبر 2024 في برج الحمل الناري وده بيدعم الأبراج النارية الحمل والقوس والاسد.

تفاصيل توقعات الأبراج وحظك اليوم

تفاصيل توقعات الأبراج وحظك اليوم من موقع تحيا مصر:

برج الحمل
مازال القمر عندك بتتحكم بايجابيه كبيره وطاقه عالية للانجاز والحركه للتعامل مع الاخرين والنهارده انت ودود على غير المعتاد .. وبتفرض اوامرك ومشيئتك بأقل جهد ممكن.. في ترتيب لسفر او بتبحث انت والعيلة عن بعض الحلول لوضع عائلي طارئ

برج الثور 
النهارده اوعى تحسم اي امور مهمه في حياتك استنى لحد بكره... حاول تبقى هادي وتكتفي بالامور الروتينيه... وبلاش تبدا بأي جديد واستنى لان اليومين الجايين في اكتمال للقمر في برجك برج الثور ووقتها اعمل اللي انت عاوزه..

برج الجوزاء
النهارده عندك حوارات بناءه ومفيده سواء مع الاقارب او الاصدقاء المقربين او الزملاء في العمل والاجواء داعمه ليك وممكن سفر او عروض مهنيه جديده عن طريق سفر من علاقات خارجيه وفرصة هتوصلك الفتره دي

برج السرطان
النهارده من الايام المتعبه شويه حاول تكون منطقي موضوعي اكثر لان قلقك على وضعك المهني او بعض التفاصيل في حياتك مسببالك قلق... خليك معتدل وحذر وما تغلطش في اي كلمه وحافظ على اسرارك وروق ومن بكره امورك كلها هتبقى افضل واريح بكتير

برج الاسد
النهارده يوم حلو وداعم ليك في اختيارات وبدايات جديده وتغييرات ان اوانها... وفي تغيير بيخص شغلك الفتره دي فلو بتدور على عمل هتلاقيه... اليوم لتثبت نفسك وحالك قدام الاخرين... وعندك قدره على الاقناع وسرعه بديهه ومنطق سليم...

برج العذراء
النهارده يوم من الايام الحلوه اللي فيها دعم وفرصه او وعد وعرض جديد بيسعدك... اليوم مناسب للمفاوضات والمصالحات لانهاء بعض القضايا العالقه بمصادر دخل جديده او مكاسب ماليه وممكن تكسب تأييد لو قدمت اي مقترح منطقي وموضوعي

برج الميزان 
النهارده لسه مزاجك مش في احسن حال... حاسس بالقلق والتوتر في حاجه بتحضرها في قرارات مهمه عاوز تاخدها.. في بعض المماطله والتسويف في الامور... فحاول تحافظ على ابتسامتك الجميله اللي متعودين عليها.. ومن بكره كل الامور هتتغير 180 درجه مع اكتمال القمر في برج الثور

برج العقرب
النهارده مشاغلك كتير .. عندك مسؤوليات وشغل  والتزامات... حاول تخلصها وتنظم وقتك ويومك وتبدا بالاولويات على قد ما تقدر.. وتكتفي بالضروري وتنهيه وتخلي بالك على صحتك اهم حاجه يا عقرب

برج القوس 
النهارده انت عندك علاقات داعمه وامنه واجواء مريحه... سواء في عملك او علاقاتك الشخصيه او حتى علاقاتك الغراميه في فرص ماليه قادمه ليك الفتره دي في مكاسب وارباح حتى لو بشكل جزئي...بس اعتبارا من تاريخ 15 في الشهر ده احوالك الماليه كلها هتتغير 180 درجه للافضل

برج الجدي 
النهارده مسؤولياتك كتير سواء على المستوى الصحي او على المستوى العائلي او الشخصي ومزاجك متقلب... في متطلبات عائليه محسساك بالقلق بتخص اولادك على العموم من هنا لاخر السنه في انتقال مهم ليك سواء بسفر او من بيت لبيت..

برج الدلو 
النهارده انت بتتعامل بكل ليونة ومرونه مع كل اللي حواليك... قابل للحوار وللاخذ والعطا والتفاوض بهدف الوصول للحلول او تنهي بعض الالتزامات... والتزاماتك العائليه بتحاول النهارده تتممها على خير ونشيط وعندك حركه وبتنتقل من مكان لمكان وبتحقق بعض الاهداف

برج الحوت 
النهارده ما زال الامور الماليه شاغله بالك وتفكيرك اي تغيير انت مقبل عليه هيتطلب الانفاق بسبب شراكه شغل معينه او مشروع جديد للبعض... فحاول تقلل من نفقاتك الي الحدود المعقولة

انت كمان شاركنا وقولنا في التعليقات انت برج ايه؟؟؟ وعايز تعرف ايه عن برجك ؟؟؟