الراقصة دينا: الجمال مش بالساهل.. لازم تشقى وتتعب عشان تحافظ على نفسك

تصريحات جديدة كشفتها الراقصة دينا عن نفسها وذلك خلال برنامجها الذي تقدمه عبر حسابها الرسمي بموقع تبادل الصور والفيديوهات انستجرام، والذي يأتي بعنوان اسمع من دينا، مشيرة إلى أنها أجرت عملية تجميل في أنفها.

الراقصة دينا: عملت عملية تجميل في مناخيري عشان ارجعها تاني

وقالت الراقصة دينا في تصريحات رصدها موقع تحيا مصر: عملت عملية تجميل في مناخيري من 4 أو خمس سنين لأن غضروفي سقط وكان التصوير مش هيطلع مظبوط، فعملت مناخيري بنفس شكلها القديم لأن بحب الطبيعية.

وتابعت الراقصة دينا حديثها، الجمال مش بالساهل ومبوسطة إني قدرت أحافظ على نفسي لدرجة أنكم فاكرين إني عملت عمليات تجميل، الناس عشان تحافظ على نفسها لازم تتعب وتشقى عشان في الاخر يلاقي حاجة كويسة.

تصريحات الراقصة دينا في برنامج اسمع من دينا 

وكانت قد تحدث دينا عن عدد زيجاتها في نفس البرنامج، قائلة: أنا مش بصاحب بتجوز على طول واتجوزت كتير لدرجة مش بكون فاكرة عددهم، لكن مش أكتر من تحية كاريوكا اللي اتجوزت 13 مرة، أنا لسه ناوية أتجوز ومش عارفه هتبقى الكام.

وسبق وقالت الراقصة دينا في تصريحات تليفزيونية أيضا، أكتر واحد حبيته وأنا صغيرة جدا وأتوفى وأنا عندي 15 سنة، اتخطبنا وعملت خطوبة ولبست فستان أبيض قصير عندي صوره، كان أخو هادي الجيار كان اسمه طارق الجيار الله يرحمه، دا أول وأهم حب في حياتي، وأنا اتجوزت 9 مرات، مش رقم مفزع تحية كاريوكا اتجوزت 13 مرة، معنديش مانع أتجوز، بستغرب من اللي بيقول مش هعمل كده تاني تعرف منين الدنيا هتوديك فين، أنا مكنتش مخططة إني أتجوز 9 مرات لو عليا لأ، أصحابي لما واحدة تطلق بمنعها.

الراقصة دينا: لو ابني عايز يخوض تجربة المساكنة هقوله ربنا يوفقك

الراقصة دينا: أوكسانا تلميذتي أنا اللي مدرباها وجوهرة حلوة لكن متنفعش رقاصة

الراقصة دينا تدافع عن الرقص 

وسبق ودافعت دينا عن مهنة الرقص، قائلة: أنا حرة، هو أنا بروح لهم أخبط عليهم في البيت أرقصلهم اللي بيضايق ميتفرجش، شغلتنا أنت بتجيبني بفلوس مش ببلاش أنت بتدفعلي، المكان بيجبني بيدفعلي لو أنا مش كفء لا هيجبني ولا هيدفعلي.

 وجدير بالذكر، أن آخر أعمال دينا السينمائية هو فيلم الملكة والذي تدور قصته في إطار من الكوميديا حول سيدة أعمال والتي تجسد شخصيتها هالة صدقي وتقع في الكثير من المواقف الطريفة خلال الأحداث وتحاول تخطيها، وشارك في بطولته أيضا كلا من شيرين رضا، محمد رضوان، باسم سمرة، كريم عفيفي وغيرهم، ومن إخراج سامح عبد العزيز وتأليف هشام هلال.