شيرين عبد الوهاب: عملت في مشواري اللي رضاني وعايزة أمسح آخر 10 سنوات من حياتي

كشفت الفنانة شيرين عبد الوهاب العديد من الأشياء حول حياتها الشخصية والفنية وذلك خلال لايف على حسابها الرسمي بموقع الفيديوهات القصيرة تيك توك، مشيرة إلى الأزمات التي مرت بها في حياتها، وجاءت تصريحاتها وفقا لما رصده موقع تحيا مصر على النحو الآتي.

تصريحات شيرين عبد الوهاب في لايف على تيك توك 

• ربنا طبطب عليا ووقف معايا كتير ودلوقتي بحضر حفلات في كل الوطن العربي.
• نفسي أقدم دور فلاحة أو صعيدية ولكن خايفة بعد نجاح مسلسل طريقي منجحش تاني.
• فرحانة إني دخلت موسوعة جينيس عشان الأغنية المصرية وصلت العالمية ولقب ميس جينيس مش هيضايق حد.
• أنا دلوقتي ماضية مع شركة ربنا وهو اللي حرك قلوبكم ومشاعركم ليا عشان تقفوا معانا.
• مش عايزة اخر 10 سنين في حياتي وربنا هيجبلي حقي من اللي زعلني.. انا شوفت وحش كتير أوي في حياتي.
•  مركزة في شغلي من وقت ما رجعت من الأسر اللي كنت فيه وهو عندي أهم حاجة.
• عملت في مشواري اللي رضاني وبسط جمهوري ودلوقتي لازم أركز مع عيلتي.
• مبقاش يهمني أطلع في حفلة لابسة اي أو اعمل شعري أكسجين. 
• اللي يهمني هقدم اي للناس وساعات بقول إني معلمتش حاجة خالص.
• سقف احلامي مبينتهيش والثقة بتيجي من عند ربنا.
• يارب أفضل حقيقية في نظركم وأنا عمري ما ضحكت عليكم كل حاجة بتشوفوها لايف.

• أنا بسيطة في شغلي ومبتفزلكش عشان أعمل أغنية.
• هنا ومريم جمال وبيحبوا الفن ومجتهدين ورافعين راسي وأنا بحبهم أوي.

شيرين عبد الوهاب وفيلمها الوثائقي 

من ناحية أخرى، تستعد شيرين عبد الوهاب الفترة الحالية لتقديم فيلم وثائقي عن حياتها والأزمات التي مرت بها، لكنها حتى الآن لم تتخذ القرار النهائي أو توقع أوراق بشكل رسمي لتقديم الفيلم الوثائقي، لكنها ما زالت تناقش الفكرة وبدأت شيرين عبد الوهاب مناقشة الفكرة منذ عام ماضي قبل تورطها في كل تلك الأزمات التي مرت بها الفترة الماضية ويأتي مكون من 4 حلقات عبر منصة نتفليكس ويكشف الفيلم عن تفاصيل عديدة في حياة شيرين عبد الوهاب ويستعرض انجازاتها وقصة صمودها في وجه التحديات التي واجهتها الفترة الماضية ومن المقرر أن تتقاضى شيرين عبد الوهاب عن كل حلقة حوالي 250 ألف دولار إذا قدمت هذا المشروع.

الخميس.. شيرين عبد الوهاب تلتقي جمهورها في لايف جديد على تيك توك الساعة 12 صباحًا

شيرين عبد الوهاب تطرح ألبوم جديد

وكانت قد طرحت شيرين عبد الوهاب ألبوم جديد والذي ضم 7 أغان متنوعة بين الكلاسيكية والحديثة والرومانسية، وتحدثت عنه الفنانة، قائلة: الألبوم ده من أهم وأصعب التجارب في حياتي.. أحلى حاجة فيها الناس اللي شاركت معايا رحلة نزول أغنيات ألبومي.. وشاركت في الدعاية والترويج ليها بكل الحب والدعم.