تزامنا مع ضبط التوقيت الشتوي.. ياسمين عز: ياريت تفعلي معاه صوتك الشتوي

خرجت الإعلامية ياسمين عز لتقدم مجموعة نصائح جديدة للسيدات من خلال برنامجها الشهير كلام الناس والمذاع على قناة mbc مصر ولكن كانت هذه المرة بشكل مختلف، حيث كانت تلك النصائح مهمة واحيانا ينصح به رواد مواقع التواصل الاجتماعي بعضهم.

تصريحات ياسمين عز في كلام الناس 

ورصد موقع تحيا مصر في الحلقة الجديدة من برنامج كلام الناس بعض من نصائح ياسمين عز خلال البرنامج والتي جاءت على النحو الآتي:

• ياريت وانتي بتظبطي التطبيق الشتوي فعلي معاه صوتك الشتوي.
• عربيا وعالميا بيستخدموا مصطلح الصوت الشتوي دلوقتي.. ومن وأنا صغيرة بحب أفعل الصوت الشتوي والنعومة.
• لو بتفرضي شخصيتك وبتودي عيالك المدرسة والدروس وتصرفي انتي كدة خدتي دور الراجل فاستحملي اللي بيجرالك بعد كدة.
• عمري ما حبيت مصطلح ست بميت راجل.. جوزها بيعاملها أنه واحد صحبه.. خليكي كتكوتة وقطوطة وقولي مش عارفة افتح علبة النوتيلا فيحس برجولته... الست اتخلقت عشان تدلع.
• اوعي تعملي نفسك فيها جدعة وكل أما يقولك اعملي حاجة قوليله مش بعرف من غيرك يا قمري .. اديله وضعه هيكونلك بطل.
• 5 سنين اي اللي تضيعي عمرك عشان واحد فيم.. ولو حبيبك مخطبكيش بعد تالت مرة يشوفك فيها سبيه.
• الفرعون الصغير الكبير اللي بتكلم عنه هو اللي بيهنن ويدلع ومش بيقولك غير يا ملاك.

ياسمين عز تتحدث عن علامات اعجاب الرجل بالمرأة

هذا وكانت قد تحدثت ياسمين عز عن علامات اعجاب الرجل بالمرأة، قائلة: فيه 3 علامات لإعجاب الرجل بالمرأة لو عملتيهم هيعجب بيكي.. معملتهمش هو كدة كدة بيعجب بأي واحدة عادي, أول حاجة الراجل بيعجب بالمرأة اللي بتشاركه اهتماماته يعني لو بيحب الكورة اقفي جون قدام الناس وصدي الكورة عشان النيش ميتكشرس، لعبيه طاولة، خليه يحبسك في المحبوسة لو انتي مش هتتحبسي مين هيتحبس العبي معاه وشاركيه كمليه عن العربيات وركنتك اللي ميعلم بيها الا ربنا.

ياسمين عز توجه نصيحة للرجال على عكس عادتها 

وكانت قد وجهت ياسمين عز نصيحة للرجال على عكس عادتها، حيث قالت في برنامج كلام الناس: “أرجوك يا عصفور الجنينة لما مراتك تقف وتتعب وتعملك الغدا قولها تسلم إيدك يا حبيبتي وقولها شعر المتنبي مش أحسن منك كلفي حاجة.. وبلاش تقعد تقول الأكل ناقص ملح وناقص سوا”.