حذفوا الصور .. طلاق البلوجر ريم وبربري واول تعليق من الثنائي

تداول رواد السوشيال ميديا خبر طلاق البلوجر الشهير ريم وبربري على نطاق واسع على منصات التواصل الاجتماعي، مما أثار جدلا واسعا بين المتابعين، وذلك بعد اختفاء دام أكثر من شهر من السوشيال ميديا.

وقام الثنائي بحذف الصور والفيديوهات التي جمعتهما معا خلال فترة الحب والزواج لسنوات طويلة، مما تسبب هذا الخبر في حزن على السوشيال ميديا باعتبارها قصة حب من العيار الثقيل.

أول رد من البلوجر ياسر أحمد على أسرة المطرب أحمد شيبة بعد صورته المتداولة

اوف شولدر .. إطلالة البلوجر مريم سيف في حفل زفافها

وكشف بربري سبب اختفائه من السوشيال ميديا خلال الساعات الماضية من خلال فيديو عبر حسابه الشخصي على موقع التواصل الاجتماعي للصور والفيديوهات انستجرام والذي رصده موقع تحيا مصر «إن سبب اختفاءنا أن أنا وريم أطلقنا لأسباب شخصية مش عايزين الناس تضايق ولا تزعل، ربنا يكتب لنا الخير احنا الاتنين، واحنا راضيين بالقرار ده، اوعوا تحبطوا ولا تفقدوا الأمل في الجواز»

وقال بربري «احنا الاتنين اتجوزنا وعيشنا سنين حلوة مع بعض، واحنا مبسوطين بيه، بس مش هنفقد الأمل، احنا بنحترم بعض ومفيش بينا مشاكل ومش ندمانين على علاقتنا خالص، وصلنا لحته كويسة في حياتنا الحمد لله مش معنى العلاقة خلصت تبقى فشلت، اللي جي احسن»

رد ريم على طلاقها من بربري

 وقالت ريم، «احنا موصلناش للمرحلة دي بالسهولة دي، المرحلة كانت صعبة وفيها وجع كتير، احنا دلوقتي تخطينا ده، مكناش قادرين نطلع قبل كدا، ربنا مش بيحط الابتلاءات عشان يعاقبنا، لا ده وراه حكمة كبيرة اوي»

وتابعت « تخطينا المرحلة وراضيين ومتفائلين، ومتأكدة أن ربنا كاتبلنا الخير لينا في حتة تانيه، حتى لو مش مع بعض، استفيدوا انتم كمان من التجربة دي، ومتدوروش في الأسباب، وهنفضل نعمل فيديوهات بس كل واحد لواحده، محدش يصدق اي حاجه بتتقال عن لسانا من غير ما احنا نعلن عنها»

أشهر كابل على السوشيال ميديا 

في الفترة الأخيرة أصبح ريم وبربري أشهر كابل على تطبيقات السوشيال ميديا المختلفة سواء تيك توك أو يوتيوب أو غيرهم، حيث يتابعهم على موقع الفيديوهات تيك توك 5 مليون متابع، ومنصة الفيديوهات العالمية يوتيوب يتابعهم 2 مليون ونصف، أما بالنسبة لصفحتهم على موقع التواصل الاجتماعي فيسبوك فيتابعهم نصف مليون  متابع.