أول تعليق من رانيا يوسف على جدل مشاركة علي غزلان في أوراق التاروت

علقت الفنانة رانيا يوسف على جدل مشاركة البلوجر علي غزلان في فيلم أوراق التاروت، والذي تخوض بطولته إلى جانب الفنانة سمية الخشاب، مشيرة إلى أنها لم تعلم شئ عن هذا الأمر.

أول تعليق من رانيا يوسف على جدل مشاركة البلوجر علي غزلان في مسلسل أوراق التاروت 

وقالت رانيا يوسف في تصريحات رصدها موقع تحيا مصر عبر لقاءها مع برنامج et بالعربي: أول مرة أعرف إن في بلوجر في الفيلم، بيعمل دور إيه انا عرفت المعلومة دي من السوشيال ميديا، ومعرفش أي معلومات عن الفيلم لأن إحنا صورناه من سنتين، ودي حاجة ترجع للمنتج.

وردا على قرار النقابة التحقيق من صناع وأبطال العمل، قالت رانيا يوسف: "وأنا أتحول للتحقيق ليه أنا مالي؟ هو أنا اللي جيبت البلوجر؟ وأشك إن دكتور أشرف زكي قال كده، إحنا مش المنتجين".

علي غزلان عن مشاركته في فيلم أوراق التاروت: طالع في مشهد عادي ومخدتش فلوس  

 وكان قد علق علي غزلان على هذا الجدل هو الآخر، قائلا: انا لقيت السوشيال ميديا كلها ملهاش كلام غير عن وقف فيلم التاروت بسبب مشاركة علي غزلان، أنا ولا وقفت فيلم ولا شاركت في فيلم، اللي حصل أني من 3 سنين كنت مع صديقي إبرام المخرج وسمية الخشاب قاعدين في اللوكيشن، ففي مشهد في الفيلم المفروض يكون فيه بلوجر حقيقي من المجتمع يطلع بشخصيته الحقيقية، قالولي يالا شارك معانا فأنا رفضت وقالولي دا مشهد عادي وطلعت مجاملة ومخدتش فلوس.

بعد جدل فيلم التاروت.. رانيا يوسف: قاصدين يهاجموني.. ومعرفش إن في بلوجر معانا في الفيلم

علي غزلان عن تسببه في وقف عرض فيلم التاروت: طالع بشخصيتي الحقيقية ومخدتش فلوس

أزمة فيلم التاروت

ولم تكن تلك الأزمة الاولى التي أثارها فيلم التاروت، حيث سبق وتصدر محركات الأكثر بحثا على موقع جوجل الشهير وذلك بعد انتشار أنباء تفيد باحتواءه على مشهد خيانة رانيا يوسف زوجها مع كلب، الأمر الذي أحدث ضجة كبيرة على السوشيال ميديا، ولكن ردت رانيا يوسف على هذا الجدل قائلة: واحد بيحاربني عشان رفضت اطلع في برنامج معاه دول مش صحفيين دول دخلاء على الصحافة.. رانيا مش مثيرة للجدل دي بتشتغل وبتربي ولادها وفي حالها لكن هما مركزين معاها عشان يطلع تريند ويسمع ويتشهر على قفايا.

وأضافت: كل ممثلة فينا معاها حيوان وفي قطة وبغبان مش كلب بس بس هما مسكوا في رانيا والكلب بتاعها عشان يطلعوا تريند.. وفيلم التاروت متصور وخلصان من سنتين.