خالد الصاوي: الفن انقذني من الإلحاد والجنون والضياع.. ومعنديش رغبة في حاجة غيره

كشف الفنان خالد الصاوي عن دور الفن في حياته، وذلك من خلال لقاء له ببرنامج ab talks الذي يقدمه المحاور أنس بوخش.

تصريحات خالد الصاوي عن الفن

وقال خالد الصاوي في تصريحاته التي يرصدها موقع تحيا مصر: الفن أنقذني من الجنون والانتحار والإدمان والإلحاد والضياع عموما، وعمل طاقة نور خرجتني من إحساس القلق من إني مش متناغم مع الدنيا.

وتابع: الفن خلاني أعيش العالم البديل وأحقق فيه حريتي، وكنت أقعد أرسم نفسي وأنا بعمل حاجات ومغامرات نفسي أخوضها، لغاية ما عرفت إن الفن هيبقى شغلي، وإن معنديش رغبة في حاجة غير الفن.

رحلة خالد الصاوي مع فيروس سي

وفي اللقاء ذاته، كشف خالد الصاوي عن تفاصيل معاناته مع فيروس سي، فقال: خفيت من فيروس سي، تم ترشيحي لفيلم عمارة يعقوبيان قابلت مروان حامد قالي لازم تخس شوية عشان الدور فروحت لدكتور خبير التغذية اللي هيتولى الموضوع دا فاداني شوية تحاليل، ولما عملتها وقعدت اتوسع في التحاليل لغاية ما طلعلي حاجة مش فاهمها فروحت لدكتور باطنة وكبد وقالي انت عندك فيروس سي ولما قالي كدا الدنيا كانت بتلف بيا.

واضاف: وكان عندي صديقة وقتها قبل الجواز طبعا قولتلها مش هقابلك اليومين دول عشان مكنتش اعرف بينتقل ازاي، ووقتها كنت بكسب ألف جنيه في الشهر، وساكن بـ 900 جنيه وعايش بـ 100 والعلاج في الوقت دا كان 4 آلاف جنيه في الشهر، وقعدت فترة مش بقول في السوق أنه عندي لأني كنت متخيل أنهم لو عرفوا مش هيشغلوني، قولت لأبويا ومقولتش لأمي واختي عشان ميتخضوش لغاية ما عرفت حجمه، هو فيروس ضعيف جدا بس خبيث جدا.

خالد الصاوي: أنا فنان مجنون.. وشكيت كتير في موهبتي

بعد انضمام خالد الصاوي وغادة عادل.. اعرف تفاصيل وأبطال مسلسل سيد الناس

خالد الصاوي وشائعة وفاته

وعلى صعيد آخر، كان قد علق خالد الصاوي على شائعة وفاته التي انتشرت منذ فترة من خلال مقطع فيديو له، قال فيه: السلام عليكم ازيكم يا أحبائي.. أنا سمعت أن أنا مُت امبارح، خير في ايه ؟!.. أنا موتوني اربع مرات في 4 سنين، وأحيانا قالوا أن كمان اولادي ماتوا بس أنا معنديش ولاد الحقيقة، الناس اللي بتطلع الشائعات دي مش هنقول نواياها ايه، لأنها لما بتطلع إشاعة أكيد عندك حاجة غلط، ومش عارف دا بيبقى تأثيره ايه على الأهالي والشخص اللي يعمل كدا هو شخص كاذب وأؤكد أني في الحاجات الضرورية جدا والحساسة لازم اطلع أكد أو أنفي الحاجة وثقوا أني لو مت هكون اول واحد يطلع ويقول.