أحمد عزمي: كانوا بيستغلوني ويخبوا المواد المخدرة عندي.. وناس بعدت عني بعد خروجي من السجن

تحدث الفنان أحمد عزمي خلال استضافته في برنامج صاحبة السعادة عن فترة إدمانه للمواد المخدرة التي أدت إلى دخوله السجن، وكشف أحمد عزمي تفاصيل وأسرار يصرح بها للمرة الأولى على الهواء مع إسعاد يونس، ونرصد فيما يأتي تصريحات أحمد عزمي.

أحمد عزمي: كانوا بيتسغلوني وبيخبوا عندي المواد المخدرة.. وبعد خروجي من السجن في ناس بعدت عني

كشف الفنان أحمد عزمي عن التفاصيل الكاملة لإدمانه المخدرات وفترة دخوله السجن، وقال مع إسعاد يونس: “الفترة دي من 15 سنة كنت فاكر إني أي مكان هروحه هبقى مخنوق وكل ما احس كده أحس إني بزداد في الشُرب، الفترة دي انعزلت عن كل الناس وسافرت شرم الشيخ وأزمة شرم الشيخ مجتمع مفتوح ممكن تتعرف على أي حد ويضحك عليك وفي مجموعة استغلوني كأني ستارة معاهم إني طول ما معاهم محدش هيكلمهم لحد ما الشرطة حسوا إن في حاجة غلط ولما اتفتشنا لقوا معانا المواد المخدرة”.

أحمد عزمي باكيًا: حسيت إني السبب في وفاة أمي.. وقررت مشربش تاني عشانها

أحمد عزمي: عيطت بعد مكالمة المتحدة.. وفي منتج وقع بيني وبين وحيد حامد

استكمل الفنان أحمد عزمي حديثه الذي يرصده موقع تحيا مصر: “وبعدين راجعت نفسي إني محبوب ومعروف والناس بتحبني لكن محدش هيحبني في الغلط، بعد خروجي من السجن قررت ان علاقاتي تبقى مع ناس أعرفهم أو صحابي بتوع زمان اللي عارفني، الحمدلله إنها عدت على خير، وفي الفترة دي كنت بحاول أتواصل مع ناس وحسيت إنهم مش نفس اللقاء بتاع زمان وبعدوا فـ قررت ابعد عنهم، في شخص واحد اتقابلنا في شغل وكان يعتبر أخويا اللي بتمنى له الخير أكتر مني لما شوفته روحت”.

أحمد عزمي: وحيد حامد ويحيى الفخراني كانوا السند ليا بعد خروجي من السجن 

استطرد الفنان أحمد عزمي حديثه مشيرًا إلى الفترة التي جاءت بعد خروجه من السجن والأشخاص التي وقفت إلى جانبه ودعمته، وأكد أحمد عزمي أن المخرج وحيد حامد والقدير يحيى الفخراني هم الذين دعموه عقب خروجه من محنته، وقال: “وحيد حامد بعد خروجي بشهر كلمني قالي تعالى، قالي كنت عايز أتأكد إنك لسه كويس وشخصيتك متغيرتش عشان سمعت عنك كلام، وقال لي أنا هعمل الجماعة 2 وعايزك معايا وحضر عزاء والدي ووالدتي وفضل معايا وبيدعمني، ويحيى الفخراني فوجئت في يوم بيكلموني وكان عايزني معاه في مسرحية الملك لير، وقالهم هو الواد عزمي أخباره ايه وسأل مجدي الهواري قالهم كلموه يمثل معانا قالي خد بالك في ناس مبيخرجوش من الحالة دي انت عندك فرصة كبيرة ترجع وترجع أقوى”.

 أحمد عزمي يتحدث عن ابنه: قعد بعيد عني 4 سنين.. وأنا اللي بذاكرله عربي ودين

تطرق النجم أحمد عزمي خلال لقائه مع إسعاد يونس ليتحدث عن نجله وفترة ابتعاده عنه قائلًا: “قعدنا حوالي 3 سنين آدم بعيد عني كان مع والدته فترة الانفصال بيني وبين زوجتي، كنت بهاف أدخل أنام مصحاش من كتر الخنقة والزعل دلوقتي بقول لنفسي كنت بتمنى أكون مع ابني في المدرسة وأذاكرله وانا اللي بذاكر له عربي ودين، وهو بيعمل مسرحيات في المدرسة لما روحت العرض اتبسط جدًا مديرة المدرسة قالت لي انت اللي هتكرم الولاد مينفعش تكون معانا وأنا اللي أكرم الولاد”.