مش هتمشي في يوم لوحدك إحنا طول العمر جنبك.. أول تعليق من أحمد سيد زيزو بعد الفوز بكأس السوبر الأفريقي

تحدث أحمد سيد زيزو لاعب نادي الزمالك، عن فوز فريقه بلقب كأس السوبر الأفريقي على حساب النادي الأهلي، ووجه زيزو رسالة شكر لجماهير نادي الزمالك بعد الدعم الكبير في الفترة الأخيرة، ويستعرض موقع تحيا مصر رسالة أحمد سيد زيزو.

كأس السوبر الأفريقي

وقال أحمد سيد زيزو في بداية رسالته على “إنستجرام”، وبعد توفيق من الله اولاً، كل مره بلبس فيها تيشرت نادي الزمالك بحس بالفخر، الفخر بارتداء تيشرت نادي عنده أوفي وأعظم جمهور فالدنيا.

وتابع أحمد زيزو، جمهور يعلم العالم معني كلمه وفاء معني كلمه انتماء لكيان مهما كانت نتائجه، سيبقي جمهور الزمالك هو السبب الرئيسي في استمرار كيان الزمالك فالقمه اسما ومكانا وقيمة.

وواصل أحمد زيزو، شكرا ليكم، شكرا علي كل بطوله دخلت النادي عشان إنتوا السبب فيها، شكرا لوجدكوا عشان الكورة ملهاش طعم من غيركم، شكرا لإعطائي الشرف والفخر الأبدي إني كنت واحد منكو في يوم من الأيام.

رسالة أحمد سيد زيزو

وأشار أحمد سيد زيزو، أنا بحبكوا جدا وبفرح لفرحكو وبتقهر لزعلكوا، مبروك ليكم بطوله أنتو اكتر ناس تستحقوها، مبروك لزمالكنا العظيم، مبروك للعيبه العظيمة علي الكفاح و الجهد وكل نقطه عرق نزلت منكم.

 واختتم أحمد سيد زيزو رسالته، شكرا للجهاز الفني والإداري و مجلس الإدارة وإن شاء الله مزيد من توفيق الله و البطولات فالشهور و السنوات القادمة، مش هتمشي في يوم لوحدك احنا طول العمر جنبك ناس كتير بتموت في حبك يا يا يا زمالك.