تامر حسني: مطرب معين زق حد عليا عشان ينتقد تلحيني.. وكلامه الجارح خلاني أنجح

روى الفنان تامر حسني قصة تعرضه لانتقادات جارحة بسبب قيامه بتلحين أغنياته من قبل شخص مستأجر من مطرب شهير، وذلك من خلال منشور عبر حسابه الشخصي على موقع تبادل الصور والفيديوهات إنستجرام.

تامر حسني يروي قصة تعرضه لانتقادات بسبب التلحين

وكتب تامر حسني في منشوره الذي يرصده موقع تحيا مصر: زمان وأنا ببدأ حياتي مكنتش ناوي إني أصمم أكتب أغانيا وألحنها عملت أول لحن في حياتي لأغنية اسمها راحت حبيبتي في ألبوم تامر وشيرين وإنتوا عارفين الألبوم ده إزاي نجح وكل أغانيه نجحت وكانت الأغنية كلمات الشاعر الكبير بهاء الدين محمد، طلع واحد ينتقدني وكتب هو أنت لحقت تنجح عشان تلحن.

وتابع تامر حسني: فسألت نفسي هو كتب كده ليه مع إن الأغنية من أنجح أغاني الألبوم وأكثر أغنية ساعتها أثرت في الشباب، فسألت هو مين الصحفي ده طلع صاحب مطرب معين فعرفت إنه يمكن يكون غيران شویة وخلاص بعد شويه نزلت أغنية عيونه دار وکسبت مسابقة كبيره جداً في مصر ساعتها على نجوم إف إم وأخدت لقب أغنية القرن فطلع نفس الصحفي كتب إنت مصمم تلحن ليه تخيلوا أغنية حاصله على لقب أغنية القرن و بتتحارب.

تامر حسني عن منتقد تلحينه: ركزت أني أغيظه

واضاف تامر حسني: من هنا خدني الحماس أدور جوه نفسي وأركز جامد إني أغيظه ومش بس ألحن لاء أنا هلحن وهكتب أغانيا وفعلاً من قلبي بشكر الصحفي والمطرب اللي خلاه يكتب كده لان لولاهم مكنتش عملت الأغاني اللي هذكرها دي و مكنتش هبقى في مكانتي دي وياريت تركزوا إنهم كلهم كلامي ولحني عشان في ناس كتير متعرفش نور عيني .. كل مره .. لما بتكون بعيد .. أنا مش عارف اتغير .. يا بنت الايه .. قسمه ونصيب .. هي دي .. أنا ولا عارف .. يا تاعبني .. ضحكتها مبتهزرش .. ماتوصينيش .. إرجعلي .. ميحرمنيش منك .. الله يباركلي فيك .. صوتك .. بغير عليها .. اسكتي .. حرقة دم .. زي الايام دي. تليفوني رن .. سي السيد .. 100 وش .. هدلعني .... لحنت و ألفت لغيري كانوا أغنيتين قوم اقف وانت بتكلمني لبهاء و بص بقى لشيرين كل دول كلماتي.

موعد طرح فيلم ريستارت للفنان تامر حسني وهنا الزاهد

تامر حسني يعلن انتهاء تصوير فيلم ريستارت.. ويكشف موعد عرضه في السينمات

تامر حسني: الكلام الجارح خلاني أنجح

واستكمل تامر حسني: ‏come back to me طبعاً لسه في أغاني كتير بس دول اللي حضروا في ذهني دلوقتي و لما وألحاني تخيلوا بقى قد إيه الصحفي ده والمطرب اللي زقه عليا فادوني في مستقبلي قد إيه كلمه جارحه المقصود منها تحطيمي بكرم ربنا أقدر أحولها لأحد الأسباب اللي تخليني أنجح وأكمل ٢٠ سنه من كلامي و لحاني بكتب البوست ده عشان عارف إن كثير مننا بيسمع كلام محبط كل يوم فا بلفت نظره إنه عنده فرصة كل يوم إنه يسمع كلمة تضايقه عشان يحولها لطاقة نجاح عظيمة تفرق في مستقبله وحياته.