نهاية مبكرة لفصل الصيف .. خبيرة فلك تكشف عن طقس الخميس والجمعة
ADVERTISEMENT
كشفت رحاب منيعم خبيرة علم الفلك عن موعد انتهاء فصل الصيف وتغيير واضح في الطقس الفترة المقبلة.
واشارت، «بما ان القمر في السرطان لمدة يومين ونص اتوقع امطار او سيول ببعض المناطق او الدول خاصة القريبة والمطلة على مسطحات مائية والاماكن الزراعية خاصة الخميس والجمعة لما القمر يتصل اتصال ايجابي مع نبتون»
توقعات رحاب منيعم الفترة المقبلة
وتابعت في منشور رصده موقع تحيا مصر، عبر حسابها الشخصي على موقع التواصل الاجتماعي فيسبوك، «كوكب عطارد بيحكم كلامنا وتواصلنا مع الاخرين وتركيزنا ووسايل المواصلات والتواصل واكيد لاحظتم زيادة نسبة الحوادث خلال الفترة اللي فاتت ومشاكل التواصل وزلات اللسان اللي ودت ناس في داهية واختفاء وانعزال البعض ده غير مشاكل بالنوم ومشاكل بالتركيز والنسيان وتاخر وتعطل امور كتير ومشاكل الاجهزة الاكترونية واعطال السيارات وبطء الانترنت عن المعتاد»
واضافت، «كل ده بقي كان بسبب الكوكب الصغنن ابو ايد تقيلة ده وباستقامته بتنتهي كتير من التعطيلات وطاقة التشويش اللي عندنا والي حد كبير بتقل اخبار الحوادث المفزعة خاصة لما المريخ كمان يخرج من الجوزاء بعد ايام بكده بينتهي الي حد ما عودة الناس اللي ظهرت في حياتكم الفترة اللي فاتت من الماضي واغلبهم هيختفي تاني واللي هيفضل منهم يستحق فرصة حقيقية لانكم تعيدوا تقييم علاقتكم».
ونوهت، «تقدروا دلوقت تشتروا موبيلات واجهزة الكترونية واللي كان عايز يشتري اللمبورجيني اتفضل مبقاش لك حجة،
اللي اتعطلت امور عنده سوء معاملات حكومية او طلبات تخص النقل او شراء اوبيع يقدر يحاول تاني وان كنت افضل انكم تنتظروا ل 1 سبتمبر لما عطارد يرجع يتحرك تاني الناس اللي كانت منعزلة ومختفية خاصة من ابراج الجوزاء و العذراء مبقاش لهم حجج غياب كوكبهم اتعدل ومزاجهم هيتعدل والمفروض يرجع تاني طاقتهم للتواصل»
وتابعت في منشور رصده موقع تحيا مصر عبر حسابها الشخصي على موقع التواصل الاجتماعي فيسبوك، «وان انخفاض درجات الحرارة هيبدا من نص سبتمبر لان زحل البارد هيقيد حرارة الشمس وفي اخر سبتمبر هينشط الشبورة والضباب وربما امطار مبكرة في اول الخريف وده بالنسبالي اسعد حدث فلكي السنة دي والله ».
جوجل نيوز
تطبيق نبض
